ក្រុងប៉ោយប៉ែត៖កម្លាំងសមត្ថកិច្ចបានចាប់ឃាត់ខ្លួនក្រុមក្មេងទំនើង៧នាក់ កាលពីវេលាម៉ោង៣និង៣០នាទីល្ងាចថ្ងៃទី២៩ខែកញ្ញាឆ្នាំ២០១៣ក្រុងប៉ោយប៉ែត ៖ កម្លាំងសមត្ថកិច្ចបានចាប់ឃាត់ខ្លួនក្រុមក្មេងទំនើង ៧នាក់ កាលពីវេលាម៉ោង៣និង៣០នាទីល្ងាច ថ្ងៃទី២៩ ខែកញ្ញា ឆ្នាំ២០១៣ នៅក្នុងផ្ទះជួលមួយកន្លែង ស្ថិតក្នុងភូមិក្បាលស្ពាន១ សង្កាត់ប៉ោយ ប៉ែត ក្រុងប៉ោយប៉ែត ដោយជាប់ពាក់ព័ន្ធនឹងករណីប្រើប្រាស់គ្រឿងខុសច្បាប់។
លោកវរសេនីយ៍ត្រី អ៊ុំ សុផល អធិការនគរបាលក្រុងប៉ោយប៉ែត បានឲ្យដឹងថា ជនសង្ស័យទាំង៧នាក់ដែលកម្លាំងរបស់លោកធ្វើការឃាត់ខ្លួននោះ ១.ឈ្មោះ ម៉ង បូរិទ្ធ ២.ឈ្មោះ កាន់ វាសនា ៣.ឈ្មោះ សុខសំណាង ៤.ឈ្មោះ តាំង សុភក្ត្រ័ ៥.ឈ្មោះ មួន សំណាង ៦.ឈ្មោះ ម៉ៅ ភារិទ្ធ និងទី៧ឈ្មោះ យឹម តារាជនសង្ស័យទាំង៧នាក់នេះរស់នៅក្នុងក្រុងប៉ោយប៉ែតភាគច្រើនជាកូនអ្នកលក់ឥវ៉ាន់ផ្សារថៃ។
លោកអធិការបានបន្តឲ្យដឹងទៀតថា ក្រុមក្មេងញៀនថ្នាំទាំង៧នាក់នេះ ត្រូវបានកម្លាំង នគរបាលធ្វើការឃាត់ ខ្លួនជាបន្តបន្ទាប់ ខណះពួកគេមានអាការៈប្លែកៗគួរឲ្យសង្ស័យ ទើបសមត្ថកិច្ចចាប់ឃាត់សួរនាំ និងធ្វើការពិនិត្យទឹកនោមទើបដឹងថាយុវជនទាំងនោះញៀនថ្នាំក៏ឈានដល់ការចាប់ខ្លួនពួកក្មេង ស្ទាវទាំងនោះបានរហូតដល់៧នាក់តែម្តង។
បច្ចុប្បន្នជនសង្ស័យទាំង៧នាក់ ត្រូវបានកម្លាំងសមត្ថកិច្ចបានរៀបចំកសាងសំណុំរឿង បញ្ជូនទៅស្នងការខេត្តបន្ទាយមានជ័យ ដើម្បីចាត់ការបន្តតាមច្បាប់នៅព្រឹកថ្ងៃទី៣០ ខែកញ្ញា ឆ្នាំ២០១៣នេះផងដែរ ៕ ដោយ ៖ ចិន្តា
Source from: watphnom-news.com
No comments:
Post a Comment