នាថ្ងៃទី២៨ខែកញ្ញាឆ្នាំ២០១៣នេះគណបក្សសង្គ្រោះជាតិបានចេញសេចក្តីប្រកាសព័ត៌មានរបស់ខ្លួនមួយដោយជូនដំណឹងថានៅថ្ងៃទី២៣ខែតុលាឆ្នាំ២០១៣ខាងមុខនាថ្ងៃទី២៨ ខែកញ្ញា ឆ្នាំ២០១៣នេះ គណបក្សសង្គ្រោះជាតិបានចេញសេចក្តីប្រកាសព័ត៌មានរបស់ខ្លួនមួយដោយជូនដំណឹងថា នៅថ្ងៃទី២៣ ខែតុលា ឆ្នាំ២០១៣ខាងមុខ នឹងធ្វើមហាបាតុកម្មនៅទីលានប្រជាធិបតេយ្យវេលាម៉ោង១៥ដល់ម៉ោង១៨ល្ងាច ដើម្បីយកញត្តិជូនអង្គការសហប្រជាជាតិ«UN»និងប្រទេសហត្ថលេខីនៃកិច្ចព្រមព្រៀងទីក្រុងប៉ារីស២៣ តុលា ១៩៩១ តាមរយៈតំណាងឧត្តមស្នងការអង្គការសហប្រជាជាតិប្រចាំនៅកម្ពុជា។
សេចក្តីប្រកាសព័ត៌មានរបស់គណបក្សសង្គ្រោះជាតិបានបញ្ជាក់ដែរថា គណៈកម្មាធិការអចិន្ត្រៃយ៍គណបក្សបានជួបជុំគ្នានាថ្ងៃទី២៧ ខែកញ្ញា ឆ្នាំ២០១៣ ម្សិលមិញនិងបានសម្រេចបន្តការទាមទាររកយុត្តិធម៌ជូនប្រជាពលរដ្ឋខ្មែរជាម្ចាស់ឆ្នោត តាមរយៈសមាជមហាជននៅទីលានប្រជាធិបតេយ្យនាថ្ងៃទី០៦ ខែតុលា ឆ្នាំ២០១៣ វេលាម៉ោង១៥ដល់ម៉ោង១៨ល្ងាច ដើម្បីសម្រេចលើគោលជំហររបស់គណបក្សនិងធ្វើញត្តិជូនអង្គការសហប្រជាជាតិនិងប្រទេសជាហត្ថលេខីនៃកិច្ចព្រមព្រៀងទីក្រុងប៉ារីស ២៣ តុលា ១៩៩១។
សូមរំលឹកជូនថា កិច្ចព្រមព្រៀងស្តីពីដំណោះស្រាយនយោបាយរួមមួយនៃជម្លោះកម្ពុជា ឬហៅកាត់ថា សន្និសីទទីក្រុងប៉ារីសស្តីពីកម្ពុជាថ្ងៃ ២៣ តុលា ១៩៩១ មានប្រទេសចំនួន១៨ជាភាគីហត្ថលេខី«មិនគិតកម្ពុជាជាម្ចាស់ករណី»នៅចំពោះមុខអគ្គលេខាធិការអង្គការសហប្រជាជាតិ៕
Source from: www.dtn7.com
No comments:
Post a Comment