មូលហេតុដែលមន្ត្រីអនុរក្សបាញ់ ប្រធានការិយាល័យមធ្យោបាយ នៅតែជាអាថ៌កំបាំង
ខេត្តបន្ទាយមានជ័យ៖សមត្ថកិច្ចនគរបាលការិយាល័យព្រហ្មទណ្ឌកម្រិតធ្ងន់បានចាប់ឃាត់ខ្លួនមន្ដ្រីពន្ធនាគារម្នាក់ដែលបានបាញ់ប្រធានការិយាល័យមធ្យោបាយនៃពន្ធនាគារខេត្តបន្ទាយមានជ័យ ៖ សមត្ថកិច្ចនគរបាល ការិយាល័យព្រហ្មទណ្ឌកម្រិតធ្ងន់ បានចាប់ឃាត់ខ្លួន មន្ដ្រីពន្ធនាគារម្នាក់ ដែលបានបាញ់ប្រធាន ការិយាល័យមធ្យោបាយនៃពន្ធនាគារ ខេត្ដបន្ទាយមានជ័យ បណ្តាលឱ្យរងរបួសធ្លាយភ្លៅស្ដាំកាលពីវេលាម៉ោង ៧និង១៥ នាទីយប់ថ្ងៃទី២៨ ខែមករា ឆ្នាំ២០១៤នៅការិយាល័យខាងលើ ប៉ុន្តែរឿងហេតុពិតប្រាកដ ដែលនាំឲ្យមានការបាញ់ប្រហារនេះ មិនទាន់មានការទម្លាយ ឲ្យដឹងនៅឡើយទេ។
ប្រធានការិយាល័យរូបនោះឈ្មោះ ឆន ឈឺន ភេទប្រុស អាយុ ៥០ឆ្នាំ រីឯជនដៃដល់ឈ្មោះ មឿន រៀន ជាអនុប្រធានផ្នែកសន្ដិសុខ នៃការិយាល័យប្រតិបត្ដិ ពន្ធនាគារខេត្ដបន្ទាយមានជ័យ ។ ចំពោះមូលហេតុនៃការបាញ់នេះ មិនទាន់មានប្រភពផ្លូវការ ទម្លាយឱ្យដឹងនៅឡើយទេ តែបើតាមព័ត៌មាននានា បានឱ្យដឹងថា នៅពេលជនដៃដល់បាញ់ជនរងគ្រោះ គឺគ្រប់គ្នាមិនបានដឹងច្បាស់លាស់ឡើយ តែបានដឹងខ្លះៗថា អ្នកទាំងពីរ ស្ថិតនៅក្នុងការិយាល័យ មធ្យោបាយ នៃពន្ធនាគារខេត្ដ ។
នៅពេលកើតហេតុ ស្រាប់តែឮស្នូរកាំភ្លើងផ្ទុះឡើង ហើយលោក ឆន ឈឺន ស្រែកហៅមេឱ្យជួយ ចំណែកឈ្មោះ មឿន រៀន ដែលជាអ្នកបាញ់ ក៏មិនរត់ទៅណាដែរ ។ ចំពោះហេតុការណ៍នេះ លោកប្រធានពន្ធនាគារខេត្ដ បានប្ដឹងទៅការិយាល័យ នគរបាលព្រហ្មទណ្ឌកម្រិតធ្ងន់ ឱ្យឃាត់ខ្លួនជនដៃដល់ នៅវេលាម៉ោង ៧និង១៥ នាទីយប់ថ្ងៃដដែល ។ តាមព័ត៌មានថា ជនដៃដល់បានប្រើ កាំភ្លើងអាកាស្វាយបត់ បាញ់ ១គ្រាប់ត្រូវលោក ឆន ឈឺន ធ្លាយភ្លៅខាងស្ដាំ ឯជនរងគ្រោះក៏មាន កាំភ្លើងខ្លីនៅចង្កេះដែរ តែមិនបានបាញ់តបតឡើយ សុខចិត្ដស្រែកហៅមេឱ្យជួយ៕
Source from: watphnom-news.com
No comments:
Post a Comment