រាជធានីភ្នំពេញ៖បុរសអ្នករត់ម៉ូតូឌុបម្នាក់ត្រូវក្រុមចោរចាក់ធ្លាយពោះវៀនរងរបួសជាទម្ងន់ដោយជាប់កាំបិតចុងស្រួចនៅនឹងពោះខាងឆ្វេងរាជធានីភ្នំពេញ ៖ បុរសអ្នករត់ម៉ូតូឌុបម្នាក់ ត្រូវក្រុមចោរ ចាក់ធ្លាយពោះវៀន រងរបួសជាទម្ងន់ ដោយជាប់កាំបិតចុងស្រួច នៅនឹងពោះខាងឆ្វេង ក្នុងហេតុការណ៍ ប៉ុនប៉ងប្លន់យកម៉ូតូ នៅតាមផ្លូវលំ ដំបូលក្រហម ក្នុងភូមិ បន្លាស្អិតសង្កាត់ឃ្មួញ ខណ្ឌសែនសុខ កាលពីវេលាម៉ោង ៧និង១០នាទី យប់ថ្ងៃទី២៨ ខែកញ្ញា ឆ្នាំ២០១៣។
ស្ត្រីជាប្រពន្ឋឈ្មោះ ឃុត រ៉េត អាយុ ២៦ឆ្នាំ មុខរបរកម្មការិនីកាត់ដេរ បាននិយាយថា មុនពេលកើតហេតុ ប្តីរបស់ខ្លួនឈ្មោះ ផន សុភក្តី អាយុ ៣០ឆ្នាំ មុខរបរ រត់ម៉ូតូឌុប បានឌុបជនសង្ស័យ ខាងលើចេញពីផ្ទះ ក្នុងភូមិសង្កាត់កើតហេតុ លុះមួយសន្ទុះក្រោយមក បានបើកម៉ូតូត្រឡប់មកវិញ ដោយមានឈាមប្រឡាក់ជោក និងមានកាំបិតជាប់នឹងពោះ ថែមទៀត។
ជនរងគ្រោះឈ្មោះ ផន សុភក្តី ប្រាប់សមត្ថកិច្ចថា ពេលឌុបជនសង្ស័យ ដល់ផ្លូវលំដំបូលក្រហម ស្រាប់តែជនសង្ស័យ បានដកកាំបិតចុងស្រួច ចាក់ពោះគាត់បណ្តាលឲ្យភ្ញាក់ ហើយតម្លើងហ្គែរម៉ូតូ យ៉ាងលឿន ធ្វើឲ្យជនសង្ស័យ ធ្លាក់ពីលើម៉ូតូ ។ សមត្ថកិច្ចបានស្រាវជ្រាវ ករណីនេះ ដើម្បីកំណត់ មុខសញ្ញាជនសង្ស័យ តាមឃាត់ខ្លួនយកទៅដាក់ ទោសតាមច្បាប់៕
Source from: watphnom-news.com
No comments:
Post a Comment