រាជធានីភ្នំពេញ៖សម្រាប់ពិធីបុណ្យរំឮកខួបថ្ងៃចូលព្រះទីវង្គត់របស់ព្រះមហាវីរក្សត្រព្រះបរមរតនកោដ្ឋព្រះបាទនរោត្តមរាជធានីភ្នំពេញ ៖ សម្រាប់ពិធីបុណ្យ រំឮកខួបថ្ងៃចូលព្រះទីវង្គត់ របស់ព្រះមហាវីរក្សត្រ ព្រះបរមរតនកោដ្ឋ ព្រះបាទ នរោត្តម សីហនុ ខាងមុខនេះ លោកបណ្ឌិត សាយ បូរី ជាអ្នកជំនាញផ្នែកច្បាប់ ដែលហ៊ាននិយាយការពិត និងធ្លាប់បានផ្តល់អនុសាសន៍ល្អៗ សម្រាប់ដោះស្រាយ ភាពតានតឹងផ្នែកនយោបាយ នៅកម្ពុជា កាលពីថ្ងៃទី៣០ ខែកញ្ញា ឆ្នាំ២០១៣ បានចេញសារអំពាវនាវ ចំពោះគណបក្ស ឈ្នះឆ្នោតទាំងពីរ ឲ្យស្រុះស្រួលគ្នា ដើម្បីផលប្រយោជន៍ប្រទេសជាតិ និងប្រជាពលរដ្ឋខ្មែរ។
លោកបណ្ឌិត សាយ បូរី បានលើកឡើង តាមអាកាសហ្វេសប៊ុកដោយបញ្ជាក់ថា ខ្ញុំសូមស្នើសុំដោយគោរព ចំពោះគណបក្សឈ្នះឆ្នោតទាំងពីរ ឲ្យស្រុះស្រួលគ្នា ក្នុងពេលធ្វើបុណ្យ រំឮកខួបថ្ងៃចូលព្រះទីវង្គត់ របស់ព្រះមហាវីរក្សត្រ ព្រះបរមរតនកោដ្ឋ ព្រះបាទ នរោត្តម សីហនុ នាពេលខាងមុខនេះ និងទូលសុំព្រះមហាក្សត្រ ព្រះរាជទានការលើកលែងទោស និងដោះលែងពីពន្ធនាគារ នូវគ្រប់សកម្មជនដីធ្លី ព្រៃឈើ និង នេសាទទាំងអស់។
លោកបណ្ឌិត សាយ បូរី ក៏បានស្នើឲ្យមានកំណត់ ការលើកលែងការជាប់ពន្ធ នៃប្រភេទពន្ធចំពោះ (គឺពន្ធផ្ទាល់ខ្លួន)ទាំងអស់ ចំពោះកសិករណា ដែលមានដីស្រែចំការស្មើ ឬតិចជាង៥ហិតា។ កសិករប្រភេទនេះ ក៏មិនត្រូវបង់ថ្លៃព្យាបាលជម្ងឺ នៅមន្ទីពេទ្យសាធារណ:ដែរ។ កសិករប្រភេទនេះ ក៏ត្រូវមានសិទ្ធិជាជនក្រីក្រ ដែលមានសិទ្ធិទទួលបាននូវ សេវាការពារក្តី ដោយឥតបង់ថ្លៃ ពីមេធាវីដែលរដ្ឋ និងគណ:មេធាវីត្រូវផ្តល់ឲ្យ តាមច្បាប់ផងទៀត។ ទាំងនេះជាសក្ខីភាព នៃការជួយសម្រាលទុក្ខ របស់រាស្ត្រមួយផ្នែកដែរ តាមការសន្យាដ៏ទូលំទូលាយ របស់គណបក្ស ក្នុងសម័យយុទ្ធនាការបោះឆ្នោត៕
Source from: watphnom-news.com
No comments:
Post a Comment