ប្រទេសចិន៖ទីភ្នាក់ងារសារព័ត៌មានបរទេសChengduBusinessDailyបានចេញផ្សាយឲ្យដឹងថាពស់វែក ប្រទេសចិន ៖ ទីភ្នាក់ងារសារព័ត៌មានបរទេស Chengdu Business Daily បានចេញផ្សាយឲ្យដឹងថា ពស់វែក ៥២ ក្បាល នៅតែបន្តបាត់ខ្លួននៅឡើយ ក្នុងចំណោមពស់វែក ដែលរួចចេញពីកសិដ្ឋានចំនួន ៣២០ ក្បាល កាលពីពេលថ្មីៗនេះ នៅកសិដ្ឋានមួយកន្លែង ដែលមានទីតាំងស្ថិតនៅក្នុងស្រុក Long-chang ខេត្ត Sichuan ប្រទេសចិន នាំឲ្យប្រជាពលរដ្ឋ រស់នៅតំបន់នោះ មានភាពភ័យខ្លាចយ៉ាងខ្លាំង។
ចាប់តាំងពីមានការរួចចេញ ពីកសិដ្ឋានកាលពីពេលកន្លងទៅនេះ នូវពស់វែកចំនួន ២៦៨ ក្បាល ត្រូវអ្នកភូមិក៏ដូចជា អាជ្ញាធរមានសមត្តកិច្ច ចាប់បានខ្លះនិងសម្លាប់ខ្លះ បាត់ទៅហើយ។ លោក Chen Dahua ជាម្ចាស់កសិដ្ឋាន ចិញ្ចឹមពស់វែកដែលមាន ចំនួនដល់ទៅ ៣,២០០ ក្បាល បានធ្វើឲ្យសត្វពស់វែកទាំងនោះ រួចចេញពីកសិដ្ឋាន ដោយអចេតនាចំនួន ៣២០ ក្បាល ដោយសារតែការធ្វេសប្រហែស។
ដោយឡែក ពស់វែកពីរក្បាល ចុងក្រោយ ត្រូវបានរកឃើញ នៅជិតនឹងសាលាមតេយ្យ មួយកន្លែង ដែលមានទីតាំង នៅជិតនឹងកសិដ្ឋាន ចិញ្ជឹមពស់មួយនេះ។ ជាការពិត ករណីធ្វេសប្រហែស បណ្តាលឲ្យរួច សត្វពស់វែកទាំងនេះ ក្រុមមនុស្ស ដែលជាឪពុកម្តាយ ក៏ដូចជាអាណាព្យាបាល ក្មេងតូចៗ ពិតជាមានការព្រួយបារម្ភ យ៉ាងខ្លាំង ចំពោះសុវត្ថិភាពកូនចៅ ។ តែទោះជាយ៉ាងណាក៏ដោយ ពស់វែកទាំងនេះ មិនអាចទ្រាំទ្រនៅក្នុង សីតុណ្ហភាពត្រជាក់ នៅក្រោម ១០ អង្សា បានទេ៕
Source from: watphnom-news.com
No comments:
Post a Comment