រាជធានីភ្នំពេញ៖បុរសម្នាក់ជាជាងច្នៃត្បូងត្រូវបានបងស្រីប្រទះឃើញដេកស្លាប់នៅលើគ្រែក្នុងបន្ទប់ជាន់ទី១នៅក្នុងផ្ទះរបស់ខ្លួនដោយការលេបថ្នាំសម្លាប់ខ្លួនរាជធានីភ្នំពេញ ៖ បុរសម្នាក់ជាជាងច្នៃត្បូង ត្រូវបានបងស្រី ប្រទះឃើញដេកស្លាប់ នៅលើគ្រែក្នុងបន្ទប់ជាន់ទី១ នៅក្នុងផ្ទះរបស់ខ្លួន ដោយការលេបថ្នាំសម្លាប់ខ្លួន បង្កឲ្យមានការភ្ញាក់ផ្អើល កាលពីវេលាម៉ោង ១៨និង៣០ នាទីយប់ថ្ងៃទី២៩ ខែតុលា ឆ្នាំ២០១៣ ស្ថិតនៅផ្ទះលេខ១៧S ផ្លូវ២៦៥ ក្រុម៤៣ ភូមិ១៣ សង្កាត់ទឹកល្អក់ទី៣ ខណ្ឌទួលគោក។
ជនរងគ្រោះមានឈ្មោះ អ៊ុក ភារុណ អាយុ ២២ឆ្នាំ មានមុខរបរជាជាងច្នៃត្បូង ស្នាក់នៅក្នុងផ្ទះកើតហេតុខាងលើ។ នៅមុនពេលកើតហេតុបងស្រី បានឡើងទៅលើបន្ទប់ជនរងគ្រោះ ក្នុងគោលបំណងហៅជនរងគ្រោះ ទៅហូបស៊ុបនៅខាងក្រៅ តែពេលនោះហៅមិនឮសំឡេងឆ្លើយ ទើបបងស្រីបានដើរឡើងទៅដល់បន្ទប់ ក៏ស្រាប់តែឃើញជនរងគ្រោះ ដេកស្លាប់នៅលើគ្រែបាត់ទៅហើយ។
ភ្លាមៗនោះ ក្រុមគ្រួសារជនរងគ្រោះ ក៏បានរាយការណ៍ជូនសមត្ថកិច្ច ហើយមន្ត្រីជំនាញបានឲ្យដឹងថា ជនរងគ្រោះបានស្លាប់ដោយការ លេបថ្នាំចម្រុះធ្វើអត្តឃាត ហើយបានបន្សល់ថ្នាំពណ៌លឿង មួយកញ្ចប់នៅក្បែរសពផងដែរ។ តែគេមិនបានដឹងថា ការធ្វើអត្តឃាតនេះ កើតឡើងដោយសាររឿងអ្វីនោះទេ ហើយជនរងគ្រោះក៏មិនដែល បាននិយាយអ្វីនោះដែរ៕
Source from: watphnom-news.com
No comments:
Post a Comment