រាជធានីភ្នំពេញ៖អគ្គនាយកដ្ឋានពន្ធនាគារនៃក្រសួងមហាផ្ទៃបានចេញសេចក្តីណែនាំឲ្យមន្ត្រីគ្រប់គ្រងពន្ធនាគារទូទាំងប្រទេសអនុញ្ញាតឲ្យមានការចូលសួរសុខទុក្ខ រាជធានីភ្នំពេញ ៖ អគ្គនាយកដ្ឋានពន្ធនាគារ នៃក្រសួងមហាផ្ទៃ បានចេញសេចក្តីណែនាំ ឲ្យមន្ត្រីគ្រប់គ្រងពន្ធនាគារ ទូទាំងប្រទេស អនុញ្ញាតឲ្យមានការចូលសួរសុខទុក្ខ ជាធម្មតារបស់ក្រុមគ្រួសារ ជនជាប់ឃុំ នៅថ្ងៃបុណ្យភ្ជុំបិណ្ឌចាប់ពីថ្ងៃទី ០៣ដល់ថ្ងៃទី០៥ ខែតុលា ឆ្នាំ២០១៣ ដោយត្រូវឲ្យអនុញ្ញាត ឲ្យគ្រួសារជនជាប់ឃុំ ជួបប្រាស្រ័យទាក់ទង សួរសុខទុក្ខ និងផ្តល់ម្ហូបអាហារ នំចំណីដល់ជនជាប់ឃុំ នៅក្នុងឱកាសបុណ្យ ភ្ជុំបិណ្ឌប្រពៃណីជាតិ។
នៅក្នុងសេចក្តីណែនាំ ពីការបង្កើនកិច្ចការពារ សន្តិសុខ សុវត្ថិភាព សណ្តាប់ធ្នាប់ និងការចាត់តាំងរៀបចំ ពិធីបុណ្យភ្ជុំបិណ្ឌ ប្រពៃណីជាតិ តាមមណ្ឌលកែប្រែ ពន្ធនាគារ រាជធានី-ខេត្ត បានណែនាំឲ្យមាន កម្លាំងការពារ បែងចែកឲ្យមានការ ទទួលខុសត្រូវ តាមវេនប្រចាំការ ២៤ម៉ោងលើ២៤ ម៉ោង និងត្រូវយកចិត្តទុកដាក់បង្កើនការត្រួតពិនិត្យ ឆែកឆេរក្នុងបន្ទប់ និងគ្រប់ចំណុចគោលដៅ ដើម្បីឆែកឆេររក ឧបករណ៍ សម្ភារៈខុសច្បាប់ និងផ្ទុយពីបទកំណត់ផ្ទៃក្នុងពន្ធនាគារ ដើម្បីធានាការពារ សុវត្ថិភាព សន្តិសុខពន្ធនាគារ៕
Source from: watphnom-news.com
No comments:
Post a Comment