រាជធានីភ្នំពេញ៖យ៉ាងហោចណាស់មន្ត្រីចំនួន៣នាក់ត្រូវបានអង្គភាពប្រឆាំងអំពើពុករលួយឃាត់ខ្លួនជាបន្តបន្ទាប់ទាក់ទិនការប្រព្រឹត្តរាជធានីភ្នំពេញ ៖ យ៉ាងហោចណាស់មន្ត្រីចំនួន ៣ នាក់ត្រូវបានអង្គភាព ប្រឆាំងអំពើពុករលួយ ឃាត់ខ្លួនជាបន្តបន្ទាប់ ទាក់ទិនការប្រព្រឹត្ត អំពើពុករលួយ ក្នុងមុខតំណែង ហើយបានបញ្ជូនឲ្យតុលាការ ធ្វើការសាកសួរបន្តតាមនីតិវិធីដើម្បីជាការព្រមាន ចំពោះមន្ត្រីពុករលួយជាច្រើនទៀត ហើយគេរំពឹងទុកថា ករណីប្រាក់បំណុល រាប់ពាន់លានរៀល ក្នុងអង្គភាពអគ្គិសនី ខេត្តព្រះសីហនុ ដែលគេដឹងថាលោក គី វុឌ្ឍី ជាប្រធានផ្នែកអាជីវកម្ម ជាអ្នកទទួលខុសត្រូវធំជាងគេ មិនគួរត្រូវបានលោក ឱម យ៉ិនទៀង មើលរំលងនោះទេ។
អនុប្រធានសាខាពន្ធដារ ខេត្តព្រះសីហនុម្នាក់ឈ្មោះ ភី រិទ្ធ ត្រូវបានអង្គភាពប្រឆាំងអំពើពុករលួយ ឃាត់ខ្លួនកាលពីម៉ោង៧ យប់ថ្ងៃទី២៧ ខែវិច្ឆិកា ឆ្នាំ២០១៣ នៅក្នុងខេត្ដព្រះសីហនុ រួច បញ្ជូនមកកាន់ រាជធានីភ្នំពេញ ដើម្បីសាកសួរ ពាក់ព័ន្ធបទល្មើស យកថ្លៃសេវាពន្ធដារ លើសពីការកំណត់របស់រដ្ឋ។ អង្គភាពប្រឆាំងអំពើពុករលួយ បានបញ្ជូនលោក ភី រិទ្ធ អនុប្រធានសាខាពន្ធដារ ខេត្ដព្រះសីហនុទៅកាន់ តុលាការខេត្ដព្រះសីហនុ នៅព្រឹកថ្ងៃទី២៩ ខែវិច្ឆិកានេះ ដើម្បីឲ្យព្រះរាជអាជ្ញាសាកសួរ និងចោទប្រកាន់ ទាក់ទងនឹងការយកថ្លៃសេវា ពន្ធដារលើសពីការ កំណត់របស់រដ្ឋ។
មុនការឃាត់ខ្លួននេះ អង្គភាពប្រឆាំងអំពើពុករលួយ បានឱ្យលោក ភី រិទ្ធ បំភ្លឺជុំវិញករណីនេះ ច្រើនសាររួចមកហើយ ។ មន្ដ្រីរាជការនៅខេត្ដព្រះសីហនុ បានបង្ហើឱ្យដឹងថា លោក ភី រិទ្ធ បានឡើងធ្វើជាអនុប្រធាន សាខាពន្ធដាខេត្ដព្រះសីហនុ ឡើងដុះស្លែទៅហើយ មានទ្រព្យសម្បត្ដិ ផ្ទះវីឡានិងរថយន្ដទំនើបៗ បើយកទៅប្រៀបធៀប ជាមួយប្រាក់បៀរវត្សរ៍ដ៏តិចតួច របស់គាត់គឺខុសគ្នាឆ្ងាយណាស់ គឺមានតែការប្រព្រឹត្ដ អំពើពុករលួយ ក្នុងមួយតំណែងនោះឯង ទើបគាត់មានលុយ និងទ្រព្យសម្បត្តិច្រើនហូរហៀរបែបនេះ។
ដោយឡែកអង្គភាព ប្រឆាំងអំពើពុករលួយ ក៏បានចាប់ខ្លួនមន្ត្រីអគ្គិសនី ខេត្តមណ្ឌលគីរីចំនួន ២ នាក់ ពាក់ព័ន្ធនឹងការ ប្រព្រឹត្តអំពើពុករលួយ កិបកេងថវិការដ្ឋប្រមាណ ១០ ម៉ឺនដុល្លារអាមេរិក ហើយត្រូវបានឃុំខ្លួនកាលពីថ្ងៃទី២៧ ខែវិច្ឆិកា ឆ្នាំ២០១៣ ពីបទកេងប្រវ័ញ្ចថវិកា និងក្លែងឯកសា។ ករណីនេះអាច មានពាក់ព័ន្ធ ជាមួយមន្ត្រីជាច្រើននាក់ទៀត ដែលបម្រើការងារ នៅក្នុងអង្កភាពអគ្គិសនី ខេត្តមណ្ឌលគិរី ជាពិសេសប្រធានរដ្ឋបាល និងប្រធានអង្កភាពអគ្គិសនីខេត្តចាស់ ដែលទើបតែប្តូរទៅធ្វើជាប្រធាន អគ្គិសនី ខេត្តរតនគិរី កាលពីពេលថ្មីៗនេះ។
ជនសង្ស័យជាមន្ត្រីអគ្គិសនី ដែលតុលាការឃុំខ្លូនមានឈ្មោះ សួត សារឹម ភេទប្រុស មានតួនាទីជា មន្ត្រីផ្នែកអាជីវកម្មមានទីលំនៅ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី និងឈ្មោះ នី សុពណ៍ ភេទស្រីមានតួនាទីជាបេឡា មានទីលំនៅក្នុង ក្រុងសែនមនោរម្យ ខេត្តមណ្ឌលគិរី។ ការឃាត់ខ្លួនមន្ត្រីអគ្គិសនីទាំង ២ រូបនេះ ធ្វើឡើងដោយសមត្ថកិច្ច មកពីស្ថាប័នប្រឆាំង អំពើពុករលួយ ដែលបានរកឃើញថា មានការក្លែងបន្លំឯកសារ និងកិបកេងថវិកា របស់អគ្គិសនីកម្ពុជា ជាង ៤០០ លានរៀល៕
Source from: watphnom-news.com
No comments:
Post a Comment