ប្រទេសចិន៖ហាងអ៊ិនធឺណិតដ៏ធំមួយកន្លែងដែលមានកុំព្យូទ័ររាប់រយគ្រឿងនៅប្រទេសចិន ប្រទេសចិន ៖ ហាង អ៊ិនធឺណិត ដ៏ធំមួយកន្លែង ដែលមានកុំព្យូទ័រ រាប់រយគ្រឿង នៅប្រទេសចិន បានបង្កើតកម្មវិធីពិសេស ដើម្បីទាក់ទាញ អារម្មណ៍អតិថិជន តាមរយៈការជួលនារី បម្រើសេវាកម្ម ឲ្យស្លៀកពាក់សិចស៊ី ស្រស់ស្អាតជាច្រើន រងចាំអង្គុយកំដរភ្ញៀវពេលចូល ទៅលេងហ្គេម បើទោះបីជាតម្លៃថ្លៃបន្តិចក៏ដោយ មានភ្ញៀវចូលយ៉ាងច្រើន រកកន្លែងអង្គុយគ្មានទេ។
ម្ចាស់ហាង អ៊ិនធឺណិត បានឲ្យដឹងថា ហាងរបស់គាត់ មានភ្ញៀវជាច្រើនចូលលេងហ្គេម ហើយពួកគេម្នាក់ៗ មកលេងហ្គេមមិនក្រោមពី ៣ ម៉ោងនោះទេ ទោះបីជាហាងនោះ ថ្លៃជាងហាង អ៊ិនធឺណិត ដទៃក៏ដោយ។ បើនិយាយអំពីពេលរសៀល ចាប់ពីម៉ោង ២ទៅ៣ វិញ មានភ្ញៀវច្រើនណាស់ ដែលចូលលេងហ្គេម ហើយពេលខ្លះរកតែកុំព្យូទ័រ ឲ្យភ្ញៀវលេងសឹងមិនបានផង។
ចំពោះបុគ្គលិកដែលបម្រើសេវាកម្ម នៅទីនោះ ភាគច្រើនជានិស្សិត មហាវិទ្យាល័យ ដែលពួកនាងទំនេរពីការសិក្សា រួចឆ្លៀតពេលរកប្រាក់ ដើម្បីផ្គត់ផ្គង់ខ្លួនឯង ប៉ុន្តែគេចម្រាញ់ជ្រើសរើសយក តែស្រីស្អាត ហើយយល់ព្រមស្លៀកពាក់ សិចស៊ីអង្គុយកំដរភ្លៀវ លេងហ្គេម។ ភ្ញៀវទាំងអស់ដែលចូលលេងហ្គេម តែងតែជ្រើសរើស កន្លែងលេងដោយខ្លួនឯង។
កន្លែងលេងហ្គេមទាំងអស់ សុទ្ធតែមានតម្លៃផ្សេងៗគ្នា ទៅតាមអ្នកអង្គុយកំដរ ដែលស្អាតខ្លាំង ឬស្អាតល្មមៗ ហើយភាគច្រើនភ្ញៀវមាន អ្នកកំដរពិសេសរបស់ពួកគេ ដែលតែងតែណាត់ទុក ឬកក់ជាមុនផងដែរ។ យ៉ាងណាក៏ដោយ កន្លែងកម្សាន្តលំហែកាយ ដែលមានលក្ខណៈ ពិសេសបែបនេះ មិនទាន់មាននៅក្នុង ប្រទេសកម្ពុជានៅឡើយទេ៕
Source from: watphnom-news.com
No comments:
Post a Comment