ខេត្ដឧត្ដរមានជ័យ៖បុរសពីរនាក់ជាឪពុកនិងកូនបានជិះម៉ូតូឌុបគ្នាទៅស្រែហើយប្រទះឃើញគ្រាប់B-40បាននាំគ្នាដំយករំសេវស្រាប់តែផ្ទុះបណ្តាលឲ្យខេត្ដឧត្ដរមានជ័យ ៖ បុរសពីរនាក់ជាឪពុកនិងកូន បានជិះម៉ូតូឌុបគ្នាទៅស្រែ ហើយប្រទះឃើញគ្រាប់ B-40 បាននាំគ្នាដំយករំសេវ ស្រាប់តែផ្ទុះបណ្តាលឲ្យ បុរសជាឪពុកស្លាប់ភ្លាមៗ នៅនឹងកន្លែងកើតហេតុ រីឯកូនប្រុសរងរបួសធ្ងន់ កាលពីវេលាម៉ោង ៧និង៣០ នាទីព្រឹកថ្ងៃទី៣ ខែធ្នូ ឆ្នាំ២០១៣ នៅចំណុចវាលស្រែអូរ ត្រាំប៉ោង ភូមិអូររំដួល ឃុំព្រះប្រឡាយ ស្រុកត្រពាំងប្រាសាទ ខេត្ដឧត្ដរមានជ័យ។
បុរសជាឪពុកដែលស្លាប់មានឈ្មោះ គុណ ណាង អាយុ ៤០ឆ្នាំ ចំណែកកូនប្រុស ដែលរងរបួសធ្ងន់ មានឈ្មោះ គុណ និច អាយុ ១៣ឆ្នាំ រស់នៅភូមិបន្ទាយចាស់ ឃុំព្រះប្រឡាយ ស្រុកត្រពាំងប្រាសាទ ។ មុនពេលកើតហេតុ បុរសជាឪពុកបានជិះម៉ូតូ ឌុបកូនប្រុសទៅវាយស្រែ ហើយបានឃើញគ្រាប់ B-40 សល់ពីសម័យសង្គ្រាម។ បុរសជាឪពុកនិងកូន បានលើកមកដំ និងយកដង្កាប់មួល ដើម្បីដោះយករំសេវ ក៏ផ្ទុះឡើងកក្រើកដី ធ្វើឱ្យបុរសជាឪពុកស្លាប់ភ្លាមៗ នៅកន្លែងកើតហេតុ ហើយកូនប្រុសបានរងរបួសធ្ងន់ ត្រូវបានរថយន្ដស៊ីម៉ាក់ ដឹកយកមកសង្គ្រោះនៅមន្ទីរពេទ្យ ប៉ុន្តែដោយសារ រងរបួសធ្ងន់ពេក គ្មានសង្ឃឹមរស់នោះទេ៕
Source from: watphnom-news.com
No comments:
Post a Comment