ខេត្តសៀមរាប៖រថយន្តក្រុងដឹកអ្នកដំណើរពីភ្នំពេញមកកាន់ខេត្តសៀមរាបហើយតៃកុងនិងព្រូឡានបានហួសចូលទៅផឹកស៊ីរហូតស្រវឹងធ្លាក់ភ្នែកក៏បើកទៅបុកខេត្តសៀមរាប ៖ រថយន្តក្រុងដឹកអ្នកដំណើរ ពីភ្នំពេញមកកាន់ខេត្តសៀមរាប ហើយតៃកុងនិងព្រូឡាន បានហួសចូលទៅផឹកស៊ី រហូតស្រវឹងធ្លាក់ភ្នែក ក៏បើកទៅបុក ចូលផ្ទះប្រជាពលរដ្ឋ និងហួសទៅបុក បង្គោលភ្លើងបាក់អស់ ៣កំណាត់កាលពីវេលាម៉ោង១២ និង២០ នាទីយប់ឈានចូលថ្ងៃទី៣ ខែវិច្ឆិកា ឆ្នាំ២០១៣ នៅចំនុចមុខផ្ទះហ្គ្រីនឡាយ ស្ថិតនៅភូមិតាភុល សង្កាត់ស្វាយដង្គំ ក្រុងខេត្តសៀមរាប តែសំណាងល្អ ពុំមានមនុស្ស រងរបួសនោះទេ។
មុនពេលកើតហេតុ គេបានឃើញឡានក្រុង ៤៥កៅអីពណ៌ស លាយខៀវ ពាក់ស្លាកលេខ 3A3727ភ្នំពេញ បើកបរពីលិចទៅកើត ក្នុងល្បឿនលឿ ជ្រុលចង្កូតទៅបុក រ៉ឺម៉កសណ្តោងម៉ូតូ ដែលមានម្ចាស់ឈ្មោះ ឆាយ ប៊ុនស៊ី ភេទប្រុស អាយុ ៣០ឆ្នាំ ទុកនៅមុខផ្ទះដែលប្រពន្ធគាត់ លក់ចាប់ហួយនៅទីនោះ បណ្តាលឲ្យរ៉ឺម៉ក សណ្តោងម៉ូតូមួយគ្រឿងនោះ ខូចខាតទាំងស្រុង។
ដោយសារតែមិនទាន់អស់ល្បឿន រថយន្តបង្កបានរួចរុញទៅបុក ទ្វារដែកផ្ទះប្រជាពលរដ្ឋ បាក់អស់មួយផ្ទាំងខាងមុខទាំងស្រុង បន្ទាប់មកក៏ហួសទៅបុក បង្គោលភ្លើងបាក់អស់ ៣កំណាត់ និងរុញទៅបុកចូលតូប ក្នុងហាងយីហោគ្រួសារថ្មី បណ្តាលឲ្យខួចខាតតូប នៅខាងមុខទាំងស្រុង តែសំណាងល្អពុំមានមនុស្សណាម្នាក់ រងរបួសទេ ។ ក្រោយពេលបង្កហេតុ អ្នកបើកបរនិងព្រូរថយន្ត បានបើកទ្វារចុះរត់តាមរបង ហាងគ្រួសារថ្មីបាត់ស្រមោលទាំង ២នាក់ ទើបសមត្ថកិច្ចហៅឡានស្ទូច រថយន្តបង្កយកទៅរក្សាទុក នៅស្នងការដ្ឋាននគរបាលខេត្ត ដើម្បីឲ្យម្ចាស់រថយន្ត ឬក្រុមហ៊ុន ចូលខ្លួនទៅដោះស្រាយតាមផ្លូវច្បាប់៕
Source from: watphnom-news.com
No comments:
Post a Comment