ផឹកស៊ីស្រវឹងបើកម៉ូតូជ្រែពេញផ្លូវ ត្រូវឡានទួរីសបើកបុក របួសបែកក្បាលសន្លប់ឈឹង
រាជធានីភ្នំពេញ៖បុរសម្នាក់បន្ទាប់ពីផឹកស្រាស្រវឹងបានជ្រួលជ្រើមបើកម៉ូតូជ្រែលើទ្រូងផ្លូវកាច់ចង្កេះចុះឡើងក៏ត្រូវរថយន្តមួយគ្រឿងបុកយ៉ាងពេញទំហឹងរាជធានីភ្នំពេញ ៖ បុរសម្នាក់បន្ទាប់ពីផឹកស្រាស្រវឹង បានជ្រួលជ្រើមបើកម៉ូតូ ជ្រែលើទ្រូងផ្លូវ កាច់ចង្កេះចុះឡើង ក៏ត្រូវរថយន្តមួយគ្រឿង បុកយ៉ាងពេញទំហឹង បណ្តាលឲ្យដួល រងរបួសយ៉ាងដំណំ រីឯរថយន្តបង្កបានរត់គេច ដោយសុវត្ថិភាពកាលពីវេលាម៉ោង ១៧ និង១០ នាទីល្ងាចថ្ងៃទី២៩ ខែធ្នូ ឆ្នាំ២០១៣ នៅលើកំណាត់ផ្លូវ ជាតិលេខ៣ ភូមិព្រៃព្រីងខាងត្បូង សង្កាត់ចោមចៅ ខណ្ឌពោធិ៍សែនជ័យ ។
ជនរងគ្រោះមានឈ្មោះ ទូច សុណ្ណារ៉ា រស់នៅភូមិ ឃុំកើតហេតុខាងលើ ជិះម៉ូតូមួយគ្រឿង ម៉ាកណៃហត ពណ៌ខ្មៅ គ្មានស្លាកលេខ ហើយពុំមានពាក់មួកសុវត្ថិភាព រីឯរថយន្តបង្កវិញប្រភេទទួរីស ពណ៌ទឹកប៊ិច មិនត្រូវបានគេស្គាល់ អត្តសញ្ញាណច្បាស់នោះទេ ព្រោះក្រោយពេលកើតហេតុ បានបើកគេចបាត់ ស្រមោល។
នៅមុនពេលកើតហេតុ ជនរងគ្រោះបានជិះម៉ូតូ ក្នុងទិសដៅពីត្បូងទៅជើង ក្នុងស្ថានភាពស្រវឹង ហើយបើកជ្រែលេងកណ្តាលផ្លូវ ក៏ត្រូវរថយន្តមួយគ្រឿង ម៉ាកទួរីសបើកស្របទិសគ្នា ជ្រុលមកកៀរ បណ្តាលឲ្យជនរងគ្រោះ ដួលបោកទៅនឹងថ្នល់ រងរបួសបែកក្បាល និងបាក់ឆ្អឹងដងកាំបិតខាងឆ្វេង សន្លប់ឈឹងនៅនឹងកន្លែងតែម្តង៕
Source from: watphnom-news.com
No comments:
Post a Comment