លោក អ៊ឹម ចំណាន និងអ្នកស្រី សេង ចន្ទមុន្នី យកតួនាទីជាមន្ត្រីពន្ធដារផ្នែកចុះបញ្ជី ទៅស្វែងរកប្រយោជន៍៍ ចែកគ្នាធ្វើមានធ្វើបានផ្ទាល់ខ្លួន
ខេត្តព្រះសីហនុ៖មន្ត្រីរាជការប្រជាពលរដ្ឋនិងក្រុមអាជីវករ នៅទូទាំងខេត្តព្រះសីហនុធ្លាប់បានសរសើរមិនដាច់ពីមាត់ខេត្តព្រះសីហនុ ៖ មន្ត្រីរាជការ ប្រជាពលរដ្ឋ និងក្រុមអាជីវករ នៅទូទាំងខេត្តព្រះសីហនុ ធ្លាប់បានសរសើរ មិនដាច់ពីមាត់ ពីភាពមានបាន របស់លោក អ៊ឹម ចំណាន ជាប្រធានការិយាល័យចុះបញ្ជី និងមានអ្នកស្រី សេង ចន្ទមុន្នី ជាសេនាធិការដ៏សំខាន់ ក្នុងការប្រមូលលុយ តាមរបៀបពុករលួយ ក្នុងអង្គភាពពន្ធដារ ខេត្តព្រះសីហនុ ប៉ុន្តែមកដល់ម៉ោងនេះ លោក អ៊ឹម ចំណាន និងអ្នកស្រី សេង ចន្ទមុន្នី កំពុងក្រអឺតក្រទម ធ្វើអ្វីៗតាមតែអំពើចិត្ត មិនដឹងជាពួកគេ មានខ្សែទុយោ ឬខ្នងបង្អែកក្រាស់ប៉ុនណាទេ ទើបអំពើពុករលួយរបស់ពួកគេ មិនទាន់ត្រូវបានចាប់កំហុស ឬកសាងសំណុំរឿងបញ្ជូនទៅតុលាការ។
មន្ត្រីមួយចំនួនដែលដឹងឮ រឿងអាស្រូវពុករលួយ ក្នុងអង្គភាពពន្ធដារ ខេត្តព្រះសីហនុ យ៉ាងស៊ីជម្រៅ បានបង្ហើបឲ្យដឹងថា លោក ភី រិទ្ធ ដែលកំពុងជាប់ឃុំ ក្នុងរឿងពុករលួយ កាន់ចំណូលប្រមាណ ២ភាគរយប៉ុណ្ណោះ ពីការបង់ពន្ធផ្សេងៗ ប៉ុន្តែសម្រាប់លោក អ៊ឹម ចំណាន និងអ្នកស្រី សេង ចន្ទមុន្នី ក្តោបក្តាប់ការងារបង់ពន្ធ ដល់ទៅ ៤ភាគរយ ហើយក្នុងតួនាទីជា ប្រធានការិយាល័យចុះបញ្ជី លោក អ៊ឹម ចំណាន មានឱកាសច្រើនណាស់ ក្នុងការបន្លំពន្ធ និងបង្ខំឲ្យអាជីវករ និងប្រជាពលរដ្ឋ បង់លុយក្រោមតុ ដើម្បីទទួលបាន ការបន្ធូរបន្ថយផ្សេងៗ សម្រាប់ការបង់ពន្ធ។ ដូច្នេះអំពើពុករលួយ ដែលប្រព្រឹត្តដោយលោក អ៊ឹម ចំណាន គួរតែមានការស៊ើបអង្កេតឡើងវិញ ដើម្បីកុំឲ្យមានការរិះគន់ ពីករណីឃុំខ្លួន តែអ្នកដែលទទួលរងថ្មបាក់ ចំណែកឯមេខ្លោង ដែលពុករលួយខ្លាំងជាងគេ ក្នុងអង្គភាពពន្ធដារ ខេត្តព្រះសីហនុ កំពុងក្រអឺតក្រទម និងបង្កព្យុះភ្លៀង តាមអំពើចិត្តដដែល។
ក្រុមអ្នករកស៊ីជាច្រើន បានលើកឡើងថា លោក អ៊ឹម ចំណាន និងអ្នកស្រី សេង ចន្ទមុន្នី សកម្មបំផុតក្នុងការ ស្វែងរកផលប្រយោជន៍៍ ទៅចែកគ្នាធ្វើមាន ធ្វើបានផ្ទាល់ខ្លួន ព្រោះតួនាទីជាអ្នក ចុះបញ្ជីរាល់ការបង់ពន្ធគ្រប់ប្រភេទ គ្មានសំណុំឯកសារ បង់ពន្ធណាមួយ រំលងផុតពីដៃរបស់លោក អ៊ឹម ចំណាន នោះទេ ដូច្នេះគេអាចវាយតម្លៃបានថា កម្រិតនិងលទ្ធភាព នៃការប្រព្រឹត្តអំពើពុករលួយ របស់លោក អ៊ឹម ចំណាន ធំជាងនិងធ្ងន់ធ្ងរជាងលោក ភី រិទ្ធ ឆ្ងាយណាស់ មិនគួរអង្គភាព ប្រឆាំងអំពើពុករលួយមើលរំលងនោះទេ ហើយមកដល់ម៉ោងនេះ លោក អ៊ឹម ចំណាន និងអ្នកស្រី សេង ចន្ទមុន្នី នៅតែបន្តការងារ របស់ខ្លួនដដែល មិនត្រូវបានដាក់ពិន័យ ឬដកបញ្ឈរជើង ដើម្បីស៊ើបអង្កេត នៅឡើយទេ មិនដឹងជាមានអាថ៌កំបាំងអ្វី។
មានការរំលឹកផងដែរថា លោក អ៊ឹម ចំណាន និងអ្នកស្រី សេង ចន្ទមុន្នី បានបង្គាប់ឲ្យប្រជាពលរដ្ឋបង់ពន្ធ ទៅតាមតែបបូរមាត់របស់គាត់ ដែលគេអាចនិយាយបានថា ការបង់ពន្ធ ធ្វើតាមអារម្មណ៍របស់លោក អ៊ឹម ចំណាន បើគាត់មើលឃើញ ស្ថានភាពអ្នកដែលត្រូវ មកបង់ពន្ធធូរធារ ឬទូលាយដៃ គាត់បង្ខំឲ្យបង់ពន្ធ ក្នុងកម្រិតខ្ពស់ ហើយសម្រាប់អ្នក ដែលគ្មានបក្ខពួក ខ្សែទុយោ ឬមិនសូវយល់ពីរបៀបរបប នៃការបង់ពន្ធ ក៏ត្រូវលោក អ៊ឹម ចំណាន កាប់ឆៅតែម្តង ដោយបានចាត់ទុក អ្នកបង់ពន្ធជាសាច់ជ្រូក ៣ជាន់ ដែលគាត់អាចកោសរូស ចម្រាញ់យកផលប្រយោជន៍ ទៅច្រកហោប៉ៅផ្ទាល់ខ្លួនយ៉ាងរំភើយ។ នៅពេលតម្លៃ ដែលត្រូវបង់ពន្ធ ស្ថិតនៅលើបបូរមាត់ របស់លោក អ៊ឹម ចំណាន ងាយបង្កើតឲ្យមាន អំពើពុករលួយ ហើយអ្នកជាប់ពន្ធទាំងអស់ បានក្លាយជាជនរងគ្រោះ ឬកូនបំណុល សម្រាប់មន្ត្រីពន្ធដារ ពុករលួយកោសរូសតាមតែអំពើចិត្ត ។
ប្រជាពលរដ្ឋមួយចំនួន បានអបអរសាទរ ចំពោះចំណាត់ការរបស់ អង្គភាពប្រឆាំងអំពើពុករលួយ ក្នុងការនាំខ្លួនលោក ភី រិទ្ធ ដែលពាក់ព័ន្ធនឹងការ កាន់ចំណូលពន្ធប្រមាណ ២ភាគរយ ប៉ុណ្ណោះ ដូច្នេះករណីដែលលោក អ៊ឹម ចំណាន និងសេនាធិការរបស់គាត់ គឺអ្នកស្រី សេង ចន្ទមុន្នី ក្តោបក្តាប់ប្រាក់ចំណូលពន្ធ ដល់ទៅ ៤ភាគរយ និងមានទ្រព្យសម្បត្តិហូរហៀរ កើតចេញពីអំពើពុករលួយ ក្នុងមុខតំណែងជា ប្រធានការិយាល័យចុះបញ្ជី គួរតែស្ថិតនៅក្នុងចំណាត់ការ ស៊ើបអង្កេតស្រាវជ្រាវ របស់អង្គភាព ប្រឆាំងអំពើពុករលួយ។ គេចង់ឃើញលោក គង់ វិបុល ជាអគ្គនាយក នៃអគ្គនាយកដ្ឋានពន្ធដារ ចាត់ការពិនិត្យមើល ភាពមិនប្រក្រតី និងចំណាត់ការពុករលួយ ក្រោមការចាត់ចែងរបស់លោក អ៊ឹម ចំណាន និងអ្នកស្រី សេង ចន្ទមុន្នី ឡើងវិញផង ព្រោះក្រុមអាជីវករ មិនសប្បាយចិត្ត ចំពោះភាពអសកម្មរបស់ លោក អ៊ឹម ចំណាន ជាយូរមកហើយ មិនទាន់មានការកែទម្រង់នៅឡើយទេ៕
Source from: watphnom-news.com
No comments:
Post a Comment