ជិះម៉ូតូបុកគ្នានៅមុខសាលាខេត្ដកំពង់ស្ពឺ ទាំងកំរោលរងរបួសធ្ងន់ ៤នាក់និងស្រាល ២នាក់
ខេត្តកំពង់ស្ពឺ៖យ៉ាងហោចណាស់មនុស្ស៤នាក់បានរងរបួសធ្ងន់និង២នាក់ទៀតរងរបួសស្រាលបន្ទាប់ពីម៉ូតូពីរគ្រឿងខេត្តកំពង់ស្ពឺ ៖ យ៉ាងហោចណាស់មនុស្ស ៤នាក់ បានរងរបួសធ្ងន់ និង ២នាក់ទៀតរងរបួសស្រាល បន្ទាប់ពីម៉ូតូពីរគ្រឿង បានបោលបុកគ្នាយ៉ាងពេញទំហឹង កាលពីវេលាម៉ោង ៨និង៣០ នាទីយប់ថ្ងៃទី២៧ ខែកុម្ភៈ ឆ្នាំ២០១៤ ស្ថិតនៅតាមផ្លូវក្រាលកៅស៊ូនៅមុខ សាលាខេត្ដកំពង់ស្ពឺ ក្នុងភូមិស្វាយក្រវ៉ាន់ សង្កាត់ស្វាយក្រវ៉ាន់ ក្រុងច្បារមន ខេត្ដកំពង់ស្ពឺ ត្រូវបានដឹកបញ្ជូនទៅសង្គ្រោះបន្ទាន់ នៅមន្ទីរពេទ្យឯកជន ភ្លាមៗផងដែរ។
សាក្សីបានឲ្យដឹងថា នៅវេលាម៉ោងកើតហេតុ មានម៉ូតូមួយគ្រឿង ម៉ាកសេ១២៥ ស៊េរីឆ្នាំ ២០១២ គ្មានស្លាកលេខ ធ្វើដំណើរដោយមនុស្ស ៣នាក់ និងមួយគ្រឿងទៀត ម៉ាកសេ១២៥ ដូចគ្នា ស៊េរីឆ្នាំ២០១៣ ពណ៌ខ្មៅ ពាក់ស្លាកលេខ ភ្នំពេញ 1BG-5079 ធ្វើដំណើរដោយមនុស្ស ៣នាក់ ក្នុងទិសដៅពីជើងទៅត្បូង លុះដល់មុខសាលាខេត្ដកំពង់ស្ពឺ បានបត់ឆ្វេង ក៏ជ្រុលទៅបុកជាមួយម៉ូតូសេ១២៥ ស៊េរីឆ្នាំ ២០១២ តែម្ដងទៅ ។គ្រោះថ្នាក់ចរាចរ ម៉ូតូបុកម៉ូតូខាងលើនេះ បណ្ដាលឱ្យមនុស្សទាំង ៦នាក់រងរបួសធ្ងន់ស្រាល ក្នុងនោះ ៤នាក់បានរបួសធ្ងន់ និង ២នាក់ទៀត បានរបួសស្រាល ត្រូវបានសមត្ថកិច្ច និងប្រជាពលរដ្ឋ ជួយដឹកបញ្ជូនទៅកាន់មន្ទីរពេទ្យឯកជន ក្នុងក្រុងច្បារមន ដើម្បីជួយសង្គ្រោះភ្លាមៗ។
ជនរងគ្រោះ ដែលជិះម៉ូតូសេ១២៥ ស៊េរីឆ្នាំ ២០១២ គ្មានស្លាកលេខ រួមមានឈ្មោះ ទេព កុសល ភេទប្រុស អាយុ ២៣ឆ្នាំ ជាអ្នកបើកម៉ូតូរងរបួសធ្ងន់ ឈ្មោះ ញ៉ែម ពេជ្រ ភេទប្រុស អាយុ ២៦ឆ្នាំ រងរបួសធ្ងន់ និងឈ្មោះ ហ៊ឹង សារ៉ាត់ ភេទប្រុស អាយុ ២៦ឆ្នាំ រងរបួសស្រាល ដែលជនរងគ្រោះទាំង ៣នាក់ រស់នៅភូមិហោក សង្កាត់រកាធំ ក្រុងច្បារមន។ ដោយឡែកជនរងគ្រោះ ខាងភាគីម៉ូតូសេ១២៥ ស៊េរីឆ្នាំ២០១៣ រួមមានឈ្មោះ យ័ន សំអឿន ភេទប្រុស អាយុ ២៨ឆ្នាំ ជាប្ដីរងរបួសធ្ងន់ ឈ្មោះ ពៅ អាយុ ៣២ឆ្នាំ ជាប្រពន្ធរងរបួសធ្ងន់ និង ឈ្មោះ រត្ន័ អាយុ ២០ឆ្នាំ ជាប្អូនស្រីរងរបួសស្រាល ពួកគេទាំង ៣នាក់ រស់នៅភូមិអំពែភ្នំ សង្កាត់ ស្វាយក្រវ៉ាន់ ក្រុងច្បារមន ខេត្ដកំពង់ស្ពឺ៕
Source from: watphnom-news.com
No comments:
Post a Comment