ជិះម៉ូតូជែងគ្នាមិនប្រយ័ត្ន ទាក់ដៃចង្កូតដួលរដូករណែល របួសធ្ងន់ស្រាល ៣នាក់
រាជធានីភ្នំពេញ៖បុរសម្នាក់បានរងរបួសធ្ងន់និង២នាក់ទៀតរងរបួសស្រាលខណៈដែលពួកគេជិះម៉ូតូ២រាជធានីភ្នំពេញ ៖ បុរសម្នាក់បានរងរបួសធ្ងន់ និង ២នាក់ទៀត រងរបួសស្រាល ខណៈដែលពួកគេជិះម៉ូតូ ២ គ្រឿង ខ្វះការប្រុងប្រយ័ត្ន បានប៉ះដៃចង្កូតគ្នា ដួលយ៉ាងពេញទំហឹង កាលពីវេលាម៉ោង ៩និង៣០ នាទីថ្ងៃទី២៦ ខែកុម្ភ: ឆ្នាំ២០១៤ស្ថិតនៅលើកំណាត់ផ្លូវជាតិលេខ២ ក្នុងភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ ។
សាក្សីបានឲ្យដឹងថា មុនពេលកើតហេតុ យុវជន ២នាក់ បានជិះម៉ូតូស្មាស់រ៉េវ៉ូ ពណ៌ខ្មៅ ពាក់ស្លាកលេខ តាកែវ 1S-5704 ធ្វើដំណើរក្នុងល្បឿនលឿន តាមបណ្តោយផ្លូវ ជាតិលេខ២ ក្នុងទិសដៅពីជើងទៅត្បូង លុះមកដល់ចំណុចកើតហេតុ អ្នកបើកម៉ូតូស្មាស់រ៉េវ៉ូ បានបើក ប្រជែងម៉ូតូរងគ្រោះ ដោយពុំបានបន្ថយល្បឿន គាប់ជួនម៉ូតូរងគ្រោះ ត្រូវបត់ស្តាំនោះ ក៏ទាក់ ដៃចង្កូតម៉ូតូ Fresh ពាក់ស្លាកលេខ 1A-2680 បណ្តាលឲ្យម៉ូតូទាំងពីរគ្រឿង ដួលគរលើគ្នា រងការខូចខាតទាំងសងខាង។
អ្នកបើកម៉ូតូស្មាស់រ៉េវ៉ូ មានឈ្មោះ ចន ភេទប្រុស អាយុ ១៧ឆ្នាំ ត្រូវរងរបួសធ្ងន់ ដោយបាក់ជើងឆ្វេង ហើយអ្នកជិះខាងក្រោយ ឈ្មោះ ឃួន អាយុ ១៦ឆ្នាំ រងរបួសស្រាល ត្រូវបានរថយន្តសង្គ្រោះ មកដឹកយកទៅសង្គ្រោះ នៅមន្ទីរពេទ្យមិត្តភាព ខ្មែរ-សូវៀត ភា្លមៗ រីឯម្ចាស់ ម៉ូតូម៉ាក Fresh មានឈ្មោះ កែត ថាត ភេទប្រុស អាយុ ៤៣ឆ្នាំ ជាជាងសំណង់ រងរបួសស្រាល ស្នាក់នៅជិតកន្លែងកើតហេតុ៕
Source from: watphnom-news.com
No comments:
Post a Comment