កម្មករអូសរទេះត្រូវអ្នកញៀនថ្នាំ ចងដៃចងជើងសម្លាប់ និងដុតចោលយ៉ាងឃោរឃៅ
រាជធានីភ្នំពេញ៖សាកសពយុវជនម្នាក់ដែលមានស្នាមឆេះរលេះរលួយជាកម្មករអូសរទេះតាមផ្សារត្រូវបានគេប្រទះឃើញស្លាប់ក្នុងដីឡូត៍គ្មានលេខមួយកន្លែងក្នុងស្ថានភាពចងដៃចងជើងរាជធានីភ្នំពេញ ៖ សាកសពយុវជនម្នាក់ ដែលមានស្នាមឆេះរលេះរលួយ ជាកម្មករអូសរទេះតាមផ្សារ ត្រូវបានគេប្រទះឃើញស្លាប់ ក្នុងដីឡូត៍គ្មានលេខមួយកន្លែង ក្នុងស្ថានភាពចងដៃចងជើង សង្ស័យថា ត្រូវអ្នកស្គាល់គ្នា ល្បួងយកទៅដុតសម្លាប់ បង្កឲ្យមានការភ្ញាក់ផ្អើល កាលពីវេលាម៉ោង ១២និង១០ នាទីថ្ងៃទីកុម្ភៈ ឆ្នាំ២០១៤ ស្ថិតនៅដីឡូត៍គ្មានលេខ ក្នុងភូមិចោមចៅ សង្កាត់ចោមចៅ ខណ្ឌពោធិ៍សែនជ័យ ។
នារីម្នាក់ឈ្មោះ រាជ រិទ្ធ ដែលធ្លាប់ជាកម្មករ អូសរទេះដូចគ្នា បានឲ្យដឹងថា ជនរងគ្រោះ មានឈ្មោះ គៀន ង៉ោ ភេទប្រុស អាយុ ១៨ឆ្នាំ មានមុខរបរ ជាកម្មករអូសរទេះ តាមផ្សារ ស្នាក់នៅម្តុំ ផ្សារកាណាស៊ីធី ភូមិចោមចៅ សង្កាត់ចោមចៅ ខណ្ឌពោធិ៍សែនជ័យ មិនដឹងគេសម្លាប់ចោល តាំងពីពេលណានោះទេ ដោយមានចងដៃ ចងជើងជាប់ រួចហើយយកធូបដុតឆេះទួកៗ ហើយនៅក្បែរសាកសពនោះ មានកំរាលដេក ខោអាវរាយប៉ាយ និងកំប៉ុងកាវផងដែរ ។
នគរបាលដែលចុះទៅដល់ កន្លែងកើតហេតុ បានឲ្យដឹងថា មុនពេលភ្ញាក់ផ្អើល មានប្រជាពលរដ្ឋ ដែលរស់នៅម្តុំនោះ បានដើរឆ្លងកាត់ ក៏ប្រទះឃើញ រួចហើយរាយការណ៍ ប្រាប់ទៅសមត្ថកិច្ចមូលដ្ឋាន ឲ្យចុះទៅពិនិត្យមើល។ ភ្លាមៗនោះសមត្ថកិច្ច បានចុះទៅដល់ សង្កេតឃើញថា ជនរងគ្រោះត្រូវបាន គេសម្លាប់ដោយចងដៃ និងចងជើងជាប់ រួចហើយយកធូបជាច្រើន គរដុតឆេះខ្លោចទួកៗ ហាក់បីដូចជាចង់បំបិទដាន ហើយនៅក្បែរសាកសព មានកំណាត់មួយផ្ទាំង ក្រាលដូចជាកំរាលដេក និងខោអាវរាយប៉ាយ រួមទាំងមានកាវ មួយកំប៉ុងផងដែរ។
ប្រជាពលរដ្ឋ បានសន្និដ្ឋានថា ជនរងគ្រោះស្លាប់ ដោយក្មេងពាលមួយក្រុម ចងដៃចងជើងរួច ហើយសម្លាប់ ដោយយកធូបមកគរពីលើ ដុតដើម្បីបំបិទភស្តុតាង ប៉ុន្តែឆេះមិនអស់ ស្ទើរឆ្អិនស្ទើរឆៅបែបនេះ។ ជនរងគ្រោះ អាចមានទំនាស់ ពាក្យសំដីជាមួយ មិត្តភក្តិណាមួយ ហើយតាមរយះ ការស្រាវជ្រាវយ៉ាងដិតដល់ សមត្ថកិច្ចបានចាប់ឃាត់ខ្លួន ជនសង្ស័យមួយក្រុម មកសួរចម្លើយទើបដឹងថា ជនរងរងគ្រោះត្រូវបានសម្លាប់ ដោយសារមិនព្រម ឲ្យលុយពួកគេទិញកាវ៕
Source from: watphnom-news.com
No comments:
Post a Comment