តឺនុយសិស្សសាលា បង្ហោះម៉ូតូជ្រុលទៅបុកហាងលក់បាយ រត់ចែកជើងគ្នាទាំងព្រឹក
ខេត្តសៀមរាប៖ក្មេងស្ទាវម្នាក់ស្លៀកពាក់ឯកសណ្ឋានសិស្សសាលាបានបង្ហោះម៉ូតូជ្រុលទៅបុកក្មេងប្រុសម្នាក់ដែលកំពុងហូបបាយនិងអ្នកលក់បាយទាំងកំរោលខេត្តសៀមរាប ៖ ក្មេងស្ទាវម្នាក់ស្លៀកពាក់ ឯកសណ្ឋានសិស្សសាលា បានបង្ហោះម៉ូតូជ្រុល ទៅបុកក្មេងប្រុសម្នាក់ ដែលកំពុងហូបបាយ និងអ្នកលក់បាយទាំងកំរោល បណ្តាលឲ្យមនុស្សម្នា ភ័យលស់ព្រលឹងរត់ចែកជើងគ្នា កាលពីវេលាម៉ោង១១និង០០ នាទី ព្រឹកថ្ងៃទី២៧ ខែ កុម្ភៈ ឆ្នាំ២០១៤ នៅតាមបណ្ដោយផ្លូវ ស្ដុបកោះកេរ្ដិ៍ កែងនិងផ្លូវលោក អាចារ្យស្វា បត់ចូល សាកលវិទ្យាល័យ បញ្ញាសាស្ត្រ សាខាខេត្តសៀមរាប ចំពីមុខហាងម៉ាស្សា មូលមិត្ត និងជាទីកន្លែងលក់ អាហារមួយកន្លែង ក្រុងសៀមរាប ខេត្តសៀមរាប ។
សាក្សីបានឲ្យដឹងថា ហេតុការណ៍ដែលក្មេងស្ទាវ បង្ហោះម៉ូតូហើយភ្លាត់ស្នៀត ទៅបុកមនុស្សដែលកំពុងទទួលទានអាហារ បណ្តាលឲ្យបែកថូផ្កា រលំតុ រលំឆត្រ បែកចាន និងធ្វើឲ្យម៉ូតូដួលប៉ះជើងជាប់នៅនឹងតុទើបទៅមុខលែងរួច ហើយក្មេងប្រុសម្នាក់ ដែលកំពុងទទួលទានអាហារ បានរងរបួលស្រាល ត្រង់កជើងនិងកែងដៃ ។ ភ្លាមៗនោះជនបង្កបានទូរស័ព្ទ ហៅម្ដាយឪពុក មកជួយសម្រួល និងដោះស្រាយជាមួយជនរងគ្រោះ ម្ចាស់ហាងអាហារ និងហាងម៉ាស្សានោះ ដើម្បីបញ្ចប់រឿងកុំឲ្យវែងឆ្ងាយ។
គ្មាននរណាម្នាក់ស្គាល់អត្តសញ្ញាណ របស់ជនបង្កនោះទេ ហើយក៏មិនដឹងថា កូនចៅរបស់អ្នកណា និងរៀននៅសាលាណាដែរ គ្រាន់តែដឹងថា ជនបង្កជិះម៉ូតូសេ១២៥ ពណ៌ខ្មៅ ពាក់ស្លាកលេខ សៀមរាប 1G-8127 ។ ប្រជាពលរដ្ឋនៅក្រុងសៀមរាប បានរិះគន់សមត្ថកិច្ច ដែលមិនសូវបង្ក្រាប ក្រុមបង្ហោះម៉ូតូ ដូចជានៅចុងផ្លូវ ៦០ម៉ែត្រ តំបន់អង្គរ-ឃ្យុងយូ នាំឲ្យក្មេងស្ទាវទាំងនោះ បង្កភាពអនាធិបតេយ្យ ប៉ះពាល់ដល់សណ្តាប់ធ្នាប់សាធារណៈ៕
Source from: watphnom-news.com
No comments:
Post a Comment