មិនដឹងជាតូចចិត្តរឿងអ្វី កម្មកររោងចក្រកាត់ដេរ លោតសម្លាប់ខ្លួនពីលើផ្ទះជាន់ទី៣
រាជធានីភ្នំពេញ៖កម្មកររោងចក្រកាត់ដេរម្នាក់បានលោតសម្លាប់ខ្លួនពីលើផ្ទះជាន់ទី៣ដែលជាបន្ទប់ជួលរបស់ខ្លួនដោយមិនទាន់ដឹងមូលហេតុបង្កឱ្យមានការភ្ញាក់ផ្អើលរាជធានីភ្នំពេញ ៖ កម្មកររោងចក្រកាត់ដេរម្នាក់ បានលោតសម្លាប់ខ្លួន ពីលើផ្ទះជាន់ទី៣ ដែលជាបន្ទប់ជួលរបស់ខ្លួន ដោយមិនទាន់ដឹងមូលហេតុ បង្កឱ្យមានការភ្ញាក់ផ្អើល កាលពីវេលាម៉ោង ៧និង៣០ នាទីព្រឹកថ្ងៃទី១៧ ខែមីនា ឆ្នាំ២០១៤ស្ថិតនៅផ្ទះជួល ក្នុងភូមិដំណាក់ធំ សង្កាត់ ស្ទឹងមានជ័យ ខណ្ឌមានជ័យ ហើយជនរងគ្រោះ ត្រូវបានមិត្ដភក្ដិ ជួយដឹកបញ្ជូនទៅកាន់មន្ទីរពេទ្យរុស្សី ដើម្បីជួយសង្គ្រោះភ្លាមៗ ប៉ុន្ដែគ្រូពេទ្យបានប្រាប់ថា ដាច់ខ្យល់ស្លាប់បាត់ទៅហើយ ។
សាក្សីបានឲ្យដឹងថា ជនរងគ្រោះឈ្មោះ ប៉ុល អូនី អាយុ ២៧ឆ្នាំ ស្នាក់នៅបន្ទប់ជួល កន្លែងកើតហេតុ និងមានស្រុកកំណើត នៅភូមិឧដុង្គ ឃុំព្រែកក្រប៉ៅ ស្រុកពាមជរ ខេត្ដព្រៃវែង កាលពីយប់ថ្ងៃទី១៦ ខែមីនា ឆ្នាំ២០១៤ បាន ចេញមកពីផឹកស៊ី ជាមួយមិត្ដភក្ដិ លុះព្រឹកឡើងជនរងគ្រោះ បានលោតពីលើផ្ទះ ជាន់ទី៣ បណ្ដាលឱ្យស្លាប់តែម្ដង ។ សមត្ថកិច្ចបានចុះទៅពិនិត្យ កន្លែងកើតហេតុ រួចប្រគល់សពជនរងគ្រោះ ឲ្យក្រុមគ្រួសារយកទៅធ្វើបុណ្យ តាមប្រពៃណី ប៉ុន្ដែមិនទាន់ដឹង ពីមូលហេតុពិតប្រាកដ នៃការសម្លាប់ខ្លួននៅឡើយទេ៕
Source from: watphnom-news.com
No comments:
Post a Comment