មកពីហូបការបើកម៉ូតូបុកគ្នា ស្លាប់អ្នកបើកបរ ២នាក់ ក្នុងថ្លុកឈាម ម្នាក់ទៀតរបួសធ្ងន់
ខេត្តពោធិ៍សាត់៖ទាហានការពារព្រំដែនគោកកម្ពុជាថៃម្នាក់បានចេញពីហូបការក្នុងសភាពស្រវឹងជោកជាំឡើងជិះម៉ូតូខ្លួនឯងបោះពួយលឿនដូចព្យុះទៅបុកម៉ូតូច្រាសទិសគ្នាខេត្តពោធិ៍សាត់ ៖ ទាហានការពារព្រំដែនគោក កម្ពុជាថៃម្នាក់ បានចេញពីហូបការ ក្នុងសភាពស្រវឹងជោកជាំ ឡើងជិះម៉ូតូខ្លួនឯង បោះពួយលឿនដូចព្យុះ ទៅបុកម៉ូតូច្រាសទិសគ្នា យ៉ាងពេញទំហឹង បណ្តាលឲ្យស្លាប់អ្នកបើកបរ ២នាក់ទាំងសងខាង នៅនឹងកន្លែងកើតហេតុ ឯប្អូនស្រីជនរងគ្រោះ អង្គុយខាងក្រោយ ក៏រងរបួសធ្ងន់ ត្រូវបញ្ជូនទៅសង្គ្រោះ នៅប្រទេសថៃ កាលពីវេលាម៉ោង ០៩និង០៥ នាទីយប់ថ្ងៃទី២៨ ខែមីនា ឆ្នាំ២០១៤ នៅលើផ្លូវលំមួយខ្សែក្រាលគ្រួសក្រហម ស្ថិតក្នុងភូមិកណ្ដាល ឃុំឯកភាព ស្រុកវាលវែង ខេត្តពោធិ៍សាត់។
ជនរងគ្រោះជាជនបង្ក ដែលស្លាប់នោះ មានឈ្មោះ អ៊ុន ចាន់រស្មី អាយុ ២៣ឆ្នាំ ភេទប្រុស និងប្អូនស្រីអង្គុយខាងក្រោយ ដែលរងរបួសមានឈ្មោះ អ៊ុន ស៊ុនលីកា អាយុ ២០ឆ្នាំ ដោយឡែកភាគីម្ខាងទៀត ដែលស្លាប់ដែរនោះ មានឈ្មោះ ជូន ជ្រន អាយុ ២៣ឆ្នាំ ជាមន្ត្រីទាហានការពារព្រំដែនខ្មែរថៃ អ្នកទាំង៣ មានទីលំនៅក្នុងភូមិឯកភាព ឃុំថ្មដា ស្រុកវាលវែង ខេត្តពោធិ៍សាត់។ សាក្សីបានឲ្យដឹងថា មុនពេលកើតហេតុ មន្ត្រីទាហានបានចេញពីហូបការ បើកបរម៉ូតូប្រភេទវីវ៉ា ក្នុងស្ថានភាពស្រវឹងដាប តាមផ្លូវក្រួសក្រហម ទិសដៅពីកើតទៅលិច លឿនដូចព្យុះ។
ខណៈមកដល់ចំណុចខាងលើ ជនរងគ្រោះក៏បានបើកម៉ូតូC125 ពណ៌ខ្មៅឌុបគ្នា ២នាក់បងប្អូនស្រីប្រុស យឺតៗខាងស្ដាំដៃក្នុងទិសដៅពីលិចទៅកើត ស្រាប់តែជនបង្កបានបើកទៅបុកយ៉ាងពេញទំហឹង បណ្តាលឲ្យបើកបរម៉ូតូទាំង ២នាក់ ស្លាប់នៅនឹង កន្លែងកើតហេតុតែម្តង។ ក្រោយពេលវាស់វែងរួចរាល់ សមត្ថកិច្ចបានយកម៉ូតូ ទៅរក្សាទុកនៅប៉ុស្តិ៍រដ្ឋបាលថ្មដា រង់ចាំដោះស្រាយគ្នាជាក្រោយ ហើយសពជនរងគ្រោះ ត្រូវបានក្រុមគ្រួសារ យកទៅផ្ទះរៀងៗខ្លួន ដើម្បីធ្វើបុណ្យតាមប្រពៃណី៕
Source from: watphnom-news.com
No comments:
Post a Comment