ចាប់ផ្សឹកព្រះសង្ឃ ប្រគល់ឲ្យប៉ូលីសចាត់ការបន្ត បន្ទាប់ពីឆែកឆេររកឃើញថ្នាំញៀន ១៤ថង់
ខេត្តតាកែវ៖សង្ឃមួយអង្គដែលគង់នៅវត្តសីហរតនារាមនៅភូមិឡូរីសង្កាត់រកាក្នុងក្រុងដូនកែវខេត្តតាកែវត្រូវបានមន្ទីរធម្មការខេត្តតាកែវ ៖ សង្ឃមួយអង្គដែលគង់ នៅវត្តសីហរតនារាម នៅភូមិឡូរី សង្កាត់រកាក្នុង ក្រុងដូនកែវ ខេត្តតាកែវ ត្រូវបានមន្ទីរធម្មការ និងសាសនាខេត្ត ចាប់ផ្សឹកហើយប្រគល់ ឱ្យនគរបាលនៃស្នងការដ្ឋាន នគរបាលខេត្តតាកែវ កសាងសំណុំរឿង បញ្ជូនទៅសាលាដំបូង នៅថ្ងៃទី២៨ ខែមេសា ឆ្នាំ២០១៤ ដោយជាប់ពាក់ព័ន្ធ ករណីជួញដូរគ្រឿងញៀន កាលពីថ្ងៃទី២៥ ខែមេសា ឆ្នាំ២០១៤។
សមត្ថកិច្ចបានឱ្យដឹងថា អន្ទិតជាប់ចោទមានឈ្មោះ ជា ប៉ាវ អាយុ ១៩ឆ្នាំ មានស្រុកកំណើតនៅភូមិចង្កោន ឃុំព្រែកត្នោត ស្រុកកំពត ខេត្តកំពត មុនពេលឃាត់ខ្លួន ជាសង្ឃគង់នៅវត្តសីហរតនារាម ស្ថិតនៅភូមិ-សង្កាត់ខាងលើ។ ថ្នាំញៀនដែលរកឃើញ នៅក្នុងខ្លួនសង្ឃខាងលើនេះ មានថ្នាំញៀនប្រភេទ ម៉ាទឹកកក ចំនួន ១៤ថង់ប្លាស្ទិក ទម្ងន់ ១៤២,៦ក្រាម។ ករណីខាងលើនេះ ជនសង្ស័យមិនឆ្លើយសាភាពទេ ដោយបដិសេធថា ថ្នាំញៀនទាំងអស់ គឺជនមិនស្គាល់មុខ បានយកមកទុកឱ្យ ហើយបានខ្ចីលុយពីខ្លួណ ចំនួន ៤០០ដុល្លារ រួចគេចខ្លួនបាត់ ៕
Source from: watphnom-news.com
No comments:
Post a Comment