អ្នកបើកម៉ូតូដាក់មេប្រូចបាត់ស្រមោល ពេលបុកគ្នាធ្លាក់ស្ត្រីម្នាក់ របួសក្បាលអង្គុយក្អួតចង្អោរ
រាជធានីភ្នំពេញ៖នារីម្នាក់បានរងរបួសក្បាលអង្គុយក្អួតចង្អោរដោយសារម៉ូតូពីរគ្រឿងបោលបុកគ្នាកាលពីវេលាម៉ោងជាង៨យប់ថ្ងៃទី២៩រាជធានីភ្នំពេញ ៖ នារីម្នាក់បានរងរបួសក្បាល អង្គុយក្អួតចង្អោរ ដោយសារម៉ូតូពីរគ្រឿង បោលបុកគ្នា កាលពីវេលាម៉ោងជាង ៨យប់ ថ្ងៃទី២៩ ខែមេសា ឆ្នាំ២០១៤ នៅមុខផ្ទះសំណាក់សុមនា តាមបណ្តោយផ្លូវសហព័ន្ធរុស្ស៊ី ស្ថិតនៅភូមិព្រៃទាសង្កាត់ចោមចៅ ខណ្ឌពោធិ៍សែនជ័យ ហើយស្ត្រីរងគ្រោះត្រូវរថយន្តសាមុយ ដឹកទៅសង្គ្រោះ នៅមន្ទីរពេទ្យព្រះកុសុមៈ ភ្លាមៗផងដែរ។
សាក្សីបានឱ្យដឹងថា នៅមុនពេលកើតហេតុ គេឃើញម៉ូតូគប់ជ្រុង សេ៥០ ពណ៌ស្លែ ពាក់ស្លាកលេខ ប០៥ ៣៤បភព១ បើកដោយបុរសម្នាក់ តាមផ្លូវសហព័ន្ធរុស្ស៊ី ក្នុងទិសដៅពីកើតទៅលិច ពេលទៅដល់ចំណុចកើតហេតុ ស្រាប់តែមានម៉ូតូសង់ សេ១០០ ស៊េរីចាស់ បើកដោយបុរសម្នាក់ ជាអ្នករត់ម៉ូតូ បានឌុបនារីម្នាក់ តាមផ្លូវសហព័ន្ធរុស្ស៊ី ក្នុងទិសដៅពីលិចទៅកើត ហើយបានបត់ឆ្វេងឆ្លងផ្លូវ ក៏បានប៉ះគ្នាជាមួយម៉ូតូគុប យ៉ាងពេញទំហឹង បណ្តាលឱ្យស្ត្រីដែលជិះម៉ូតូសង់ ធ្លាក់មកដីរបួសក្បាល និងអង្គុយក្អួតចង្អោរ ចំណែកអ្នកបើកម៉ូតូទាំង ២គ្រឿង រត់ចោលម៉ូតូគេចខ្លួនបាត់៕
Source from: watphnom-news.com
No comments:
Post a Comment