ដោយសាររឿយលុយ ២៥០០រៀល វាយសម្លាប់ឪពុកបង្កើតនិងឪពុកមា ស្លាប់ក្នុងថ្លុកឈាម
ខេត្តក្រចេះ៖អំពើឃាតកម្មដ៏សាហាវមួយបានកើតឡើងដោយសារកូនប្រុសតិរិច្ឆានបានវាយសម្លាប់ឪពុកបង្កើតរបស់ខ្លួននិងឪពុកមាដោយសារតែអំណាចថ្នាំញៀនខេត្តក្រចេះ ៖ អំពើឃាតកម្មដ៏សាហាវមួយ បានកើតឡើងដោយសារ កូនប្រុសតិរិច្ឆាន បានវាយសម្លាប់ ឪពុកបង្កើតរបស់ខ្លួន និងឪពុកមា ដោយសារតែអំណាចថ្នាំញៀន និងជម្លោះរឿងលុយប៉ះកង់ ២៥០០ រៀល បង្កឱ្យមានការភ្ញាក់ផ្អើល និងរន្ធត់យ៉ាងខ្លាំង កាលពីវេលាម៉ោង ៣និង៣៨ នាទី រសៀល ថ្ងៃទី២៩ ខែមេសា ឆ្នាំ២០១៤ ស្ថិតនៅលើផ្ទះជនល្មើស និងជនរងគ្រោះ ក្នុងភូមិថ្មី ឃុំសណ្ដាន់ ស្រុកសំបូរ ខេត្ដក្រចេះ។
យ៉ាងណាក៏ដោយ ជនល្មើសត្រូវបាន កម្លាំងនគរបាលមូលដ្ឋានចាប់ខ្លួន ក្រោយកើតហេតុភ្លាមៗ ហើយកសាងបញ្ជូនសំណុំរឿង បញ្ជូនទៅកាន់សាលាដំបូង ខេត្ដក្រចេះ ដើម្បីផ្ដន្ទាទោសតាមផ្លូវច្បាប់។ សាក្សីបានឱ្យដឹងថា ក្រោយពីត្រឡប់មកពីធ្វើការ នៅប្រទេសថៃវិញ ជនល្មើស ឈ្មោះ ឆន សុផៃ អាយុជាង ៣០ឆ្នាំ គឺជាកូនច្បងក្នុង ចំណោមបងប្អូន ៥នាក់ មានភាពមិនប្រក្រតី ដោយនិយាយពេលខ្លះ មិនដឹងខុសត្រូវ ព្រោះតែជននេះធ្លាប់ ប្រើប្រាស់គ្រឿងញៀន ជ្រុលហួសហេតុ មិនទាន់បន្សាបឱ្យអស់ ពីក្នុងខ្លួននៅឡើយ ។
សមត្ថកិច្ចបានឲ្យដឹងថា មុនពេលកើតហេតុ ឪពុកជនដៃដល់ ឈ្មោះ វ៉ាន់ ឆៃ អាយុជាង ៦០ ឆ្នាំ ជាមួយប្អូនប្រុសបង្កើតរបស់ខ្លួន ដែលត្រូវជាពូ របស់ជនសង្ស័យ ធ្វើដំណើរពីភូមិផ្សេង មកលេងបងប្រុស ហើយក៏នាំគ្នាផឹកស៊ី ជជែកជាធម្មតា តាំងពីព្រឹកថ្ងៃទី២៩ ខែមេសា ឆ្នាំ២០១៤ ។ ពេលកំពុងផឹកនោះ មានបុរសជនពិការម្នាក់ មកប៉ះកង់ម៉ូតូនៅផ្ទះ ហើយជនដៃដល់ក៏យកម៉ូតូនោះទៅប៉ះ ដោយប្រើសម្តីមិនសមរម្យ ឪពុកបានស្តីបន្ទោសបន្តិចបន្តួច ក៏កើតជាជម្លោះដោយសារលុយ ប៉ះកង់ម៉ូតូចំនួន ២៥០០ រៀល។
លុះដល់ម៉ោងកើតហេតុ ជនដៃដល់ដែលមានកំហឹង គុំគួននឹងឪពុក បានទៅផឹកស្រាអស់កន្លះលីត្រ រាងស្រវឹងស្រឿងៗ បានឡើងទៅលើផ្ទះ រួចទាញដែក គាស់ដែកគោល វាយសំពងទៅលើឪពុក ពេលកំពុងដេកលក់ បណ្ដាលឱ្យសន្លប់ ។ ភ្លាមៗនោះឪពុកមាបានភ្ញាក់ ហើយប្រុងមកជួយ ក៏ត្រូវក្មួយតិរិច្ឆាន វាយទៅលើឪពុកមា យ៉ាងចាស់ដៃ បណ្ដាលឱ្យស្លាប់ រួចវាយឪពុក ឲ្យស្លាប់ក្នុងថ្លុកឈាម ទាំង ២នាក់ ដោយគ្មាននរណា ជួយទាន់នោះឡើយ ព្រោះម្ដាយជនដៃដល់ មានជំងឺលើសឈាម បានត្រឹមតែស្រែកហៅ ឱ្យគេជួយប៉ុណ្ណោះ៕
Source from: watphnom-news.com
No comments:
Post a Comment