ក្រុមហ៊ុន ធាធី ប្រើឥទ្ធិពលលោកធំ និងមានហ៊ុនខ្យល់ជាមួយជំទាវៗ ចេញមុខម៉ៅការដឹកជញ្ជូនទំនិញគេចពន្ធ ផ្គើនកំណែទម្រង់ស៊ីជម្រៅ
រាជធានីភ្នំពេញ៖អ្នកធ្លាប់រកស៊ីដឹកទំនិញចាប់ហួយគ្រប់ប្រភេទនាំចូលពីប្រទេសថៃនិងវៀតណាមបានបង្ហើបឲ្យដឹងថាសព្វថ្ងៃនេះមានក្រុមហ៊ុនដឹកជញ្ជូនមួយរាជធានីភ្នំពេញ ៖ អ្នកធ្លាប់រកស៊ីដឹកទំនិញ ចាប់ហួយគ្រប់ប្រភេទ នាំចូលពីប្រទេសថៃ និងវៀតណាម បានបង្ហើបឲ្យដឹងថា សព្វថ្ងៃនេះ មានក្រុមហ៊ុនដឹកជញ្ជូនមួយ យីហោ ធាធី ដែលមានភាគហ៊ុនរកស៊ីដ៏ ជាមួយលោកជំទាវៗ និងមន្ត្រីដែលមានអំណាចធំ ក្នុងការបង្ក្រាបអំពើរត់ពន្ធទំនិញ ធានាស៊ីឈ្នូលដឹកទំនិញ ដែលបង់ពន្ធមិនគ្រប់ ឬទំនិញខុសច្បាប់ យ៉ាងមានសុវត្ថិភាព ព្រោះគ្មានសមត្ថកិច្ចណាមួយ ហ៊ានចាប់ទំនិញ ដែលក្រុមហ៊ុន ធាធី ម៉ៅការដឹកជញ្ជូនឡើយ ។
ឈ្មួញតូចតាចមួយចំនួន បានទម្លាយឲ្យដឹងថា ក្នុងរយៈពេល ២ឆ្នាំ ចុងក្រោយនេះ ក្រុមហ៊ុនដឹកជញ្ជូន ធាធី រកស៊ីកាក់កបប្រមូលលុយ បានច្រើនសន្ធឹកសន្ធាប់ ព្រោះថា អាចធានាសុវត្ថិភាពដល់ទំនិញគេចពន្ធ របស់ឈ្មួញដែល គេជួលឲ្យដឹកជញ្ជូន ពីច្រកព្រំដែន មកដល់ឃ្លាំងនៅរាជធានីភ្នំពេញ។ រថយន្តរបស់ក្រុមហ៊ុន ធាធី មានទាំងតូចទាំងធំ និងរថយន្តធុនយក្សគ្រប់ប្រភេទ សុទ្ធតែមានបិទស្លាកយីហោ ធាធី ទាំងអស់ ហើយសូម្បីតែម៉ូតូកង់បី ប្រភេទឃ្លុបដឹកទំនិញ ក៏មានច្រើនផងដែរ សម្រាប់សាងទំនិញ ពីកន្លែងមួយ ទៅកន្លែងមួយទៀត នៅរាជធានីភ្នំពេញ ។
អ្នកដែលធ្លាប់ស្គាល់ប្រវត្តិរបស់ ក្រុមហ៊ុនដឹកជញ្ជូន ធាធី បានឲ្យដឹងថា ប្រធានក្រុមហ៊ុននេះ ដំបូងឡើយ រកស៊ីនាំចូលទំនិញ ចាប់ហួយគ្រប់ប្រភេទ មកពីប្រទេសថៃ ចូលមកកម្ពុជា តាមច្រកកោះកុង ស្រែអំបិល មកកាន់រាជធានីភ្នំពេញ ដោយជួលរថយន្ត ក្រុមហ៊ុនផ្សេង ឲ្យដឹកទំនិញរបស់ខ្លួន ដែលមួយចំនួនបង់ពន្ធ ហើយមួយចំនួនទៀត មិនបង់ពន្ធសូម្បីតែមួយរៀល ដោយសារមានជំនាញគយ ជាអ្នកជួយសម្របសម្រួល។ ដោយការរកស៊ី មិនសូវកាក់កប និងឃើញថា ការរកស៊ីឈ្នូលដឹកទំនិញឲ្យគេ វាគ្រាន់បើជាង ក៏បង្កើតក្រុមហ៊ុនដឹកជញ្ជូន ដាក់ស្លាកយីហោ ធាធី នេះ រកម៉ូយដឹកដោយខ្លួនឯង។
ជាធម្មតាក្រុមហ៊ុនដឹកជញ្ជូន ធាធី បានប្រើឈ្មោះលោកធំ ឬអ្នកមានអំណាច មកឡូកឡំ និងធានាថា ក្រុមហ៊ុនរបស់គេនេះ ដឹកទំនិញគេចពន្ធ គ្មានសមត្ថកិច្ចណាមួយ ហ៊ានចាប់នោះទេ។ ដោយសារតែអំនួត និងភាពក្រអឺតក្រទម ក្រុមហ៊ុនដឹកជញ្ជូន ធាធី អាចរកស៊ីបានកាក់កប មានលុយច្រើនកប់ពពក ហើយរយៈពេលប៉ុន្មានឆ្នាំ ចុងក្រោយនេះ ម្ចាស់ក្រុមហ៊ុនមួយនេះ បានក្លាយជាអ្នកមានទ្រព្យ ដ៏ស្តុកស្តម្ភម្នាក់ក្នុងសង្គម។ ក្រុមហ៊ុនដឹកជញ្ជូន ធាធី បានអះអាងផងដែរថា កុំថាឡើយទំនិញគេចពន្ធ នាំចូលពីប្រទេសថៃ សូម្បីតែទំនិញគេចពន្ធ នាំចូលពីប្រទេសវៀតណាម ក៏ក្រុមហ៊ុននេះ ធានាដឹកជញ្ជូន ដោយសុវត្ថិភាពផងដែរ ។
ប្រភពបានធ្លោយឲ្យដឹងទៀតថា ក្រុមហ៊ុនដឹកជញ្ជូន ធាធី ដែលហ៊ានដឹកទំនិញគេចពន្ធបែបនេះ គឺដោយសារគេបានស្គាល់ ស្ត្រីម្នាក់រកស៊ីនៅផ្សារអូឡាំពិក ជាបងប្អូនសាច់ញាតិរបស់លោកធំ និងអ្នកមានអំណាច ក្នុងការបង្ក្រាបអំពើរត់ពន្ធ ឲ្យចូលហ៊ុនរកស៊ីជាមួយគ្នា ។ ការពិតទៅ ស្ត្រីដែលជាបងប្អូន សាច់ញាតិលោកធំនោះ មិនមែនបានចូលហ៊ុនជាមួយទេ គឺក្រុមហ៊ុន ធាធី បានបង់លុយប្រចាំខែ ឲ្យស្ត្រីម្នាក់នោះ មិនដែលខកខានប្តងណាឡើយ។ សមត្ថកិច្ចនៅតាមផ្លូវ ទំនងជាខ្ជិលមានរឿងវែងធ្ងាយ ក៏សុខចិត្តនៅសម្ងំស្ងៀម ឲ្យត្រជាក់រហឹមតែម្តង ព្រោះខ្លាចអត់មាន កន្លែងឈរជើងដើម្បីរស់ ជាហេតុនាំឲ្យ ក្រុមហ៊ុន ធាធី អាចពង្រីកឥទ្ធិពលរបស់ខ្លួន ជាលំដាប់រហូតដល់សព្វថ្ងៃ។ បើពិនិត្យពីកំណែទម្រង់ស៊ីជ្រៅ ដើម្បីលុបបំបាត់អំពើពុករលួយ និងទំនិញគេចពន្ធ គេរង់ចាំមើលថា តើក្រុមហ៊ុន ធាធី អាចធ្វើសកម្មភាព រហូតដល់ណា៕
Source from: watphnom-news.com
No comments:
Post a Comment