ពលរដ្ឋកម្ពុជាជាមុខសញ្ញាដែលកងភេរវកម្មឥស្លាមISIS ជ្រើសរើសឲ្យធ្វើជាទាហានស្ម័គ្រចិត្តច្បាំង
តាមការផ្សព្វផ្សាយរបស់ទូរទស្សន៍NBC ដ៏ល្បីរបស់សហរដ្ឋអាមេរិកដែលដកស្រង់ដោយគេហទំព័រ AsiaOne របស់សិង្ហបុរីនាថ្ងៃទី២២ ខែមិថុនា ឆ្នាំ២០១៤នេះឲ្យដឹងថា ពលរដ្ឋកម្ពុជាក៏ជាមុខសញ្ញាមួយដែរដែលកងកម្លាំងភេរវកម្ម Islamic State in Iraq and the Levante ( ISIS) កំពុងវាយប្រហារបង្កចលាចលនៅប្រទេសអ៊ីរ៉ាក់ត្រូវការជ្រើសរើសឲ្យធ្វើជាទាហានស្ម័គ្រចិត្តច្បាំង ក្នុងចំណោមពលរដ្ឋនៃបណ្តាប្រទេសដទៃទៀត ដូចជា បង់ក្លាដែស,អ៊ីរ៉ាក់,អូស្ត្រាលី និងចក្រភពអង់គ្លេស ។
មិនទាន់ឃើញមានប្រតិកម្មតបពីសំណាក់រាជរដ្ឋាភិបាលកម្ពុជា យ៉ាងណានោះនៅឡើយទេ ទាក់ទងនឹងគម្រោង ជ្រើសរើសទាហានស្ម័គ្រចិត្តច្បាំងជាពលរដ្ឋកម្ពុជាដោយកងភេរវកម្ម ISIS ដែលបានចុះផ្សាយក្នុងគេហទំព័រAsiaOne របស់សិង្ហបុរី នាថ្ងៃនេះ ប៉ុន្តែមានPage មួយក្នុងបណ្តាញព័ត៌មានសង្គមFacebook ដាក់ឈ្មោះ និងរូបថត សម្តេចអគ្គមហាសេនាបតីតេជោហ៊ុន សែន ហៅបុរសខ្លាំង ជានាយករដ្ឋមន្ត្រី នៃព្រះរាជាណាចក្រកម្ពុជា ធ្វើជាProfile និងមានអ្នកLike Page ចំនួន323K (ជាង៣២ម៉ឺន Accounts) ដែលជាPage គេសង្ស័យថា គ្រប់គ្រងដោយអ្នកដង្ហែ គាំទ្របុរសខ្លាំងបានPost ក្រើនរម្លឹក ដល់ប្រជាពលរដ្ឋខ្មែរ ឲ្យមានការប្រុងប្រយ័ត្នកុំលង់ក្នុងអន្ទាក់ល្បួងរបស់ក្រុមភេរវកម្ម ISIS ទោះបីពួកគេសន្យាផ្តល់ជាផលប្រយោជន៍អ្វីក៏ដោយ គឺជាគ្រោះថ្នាក់សម្រាប់ខ្លួនហើយជាបទឧក្រិដ្ឋ ដែលចូលរួមជាមួយក្រុមភេរវកម្មបំផ្លិចបំផ្លាញ ប្រទេសដទៃ ៕
Source from: www.dtn7.com
No comments:
Post a Comment