កាប៊ុល៖ បើតាមប្រភព ពីប៉ូលិសអាហ្វហ្គានីស្ថាន បានឲ្យដឹងថា មនុស្សចំនួន ០៥នាក់បានស្លាប់ និង០៤នាក់ រងរបួស ក្រោយហេតុការណ៍ បំផ្ទុះគ្រាប់បែក អត្តឃាតមួយ ទៅលើរថយន្តក្រុង ដឹកកងទ័ពរបស់ប្រទេស អាហ្វហា្គនីស្ថាន។
ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃពុធ ទី០២ ខែកក្កដា ឆ្នាំ២០១៤ថា ហេតុការណ៍គ្រាប់បែក អត្តឃាត នេះ បានកើតឡើងនៅ ភាគខាងកើតទីក្រុង កាប៊ុល ដែលជារដ្ឋធានី អាហ្វហ្គានីស្ថាន នៅព្រឹកថ្ងៃពុធ នេះ។
នៅក្នុងហេតុការណ៍នេះ អ្នករបួសត្រូវបានគេបញ្ជូន ទៅកាន់មន្ទីរពេទ្យដែលនៅជិតនោះ ហើយក៏មិនទាន់មាន ក្រុមណាមួយ ចេញមុខទទួលខុសត្រូវ ក្នុងការវាយប្រហារ នេះនោះទេ ៕
------------
Source from: Dap-news
No comments:
Post a Comment