Apple និង Samsung អស់​អួត ក្រោយ​ពាន Phone of the Year ធ្លាក់​​ទៅ​លើ HTC

ក្រុមហ៊ុន​បច្ចេកវិទ្យា​យក្ស​២ដែល​កំពុង​អុកឡុក​ក្នុង​ទីផ្សារ smartphone គឺ Apple និង Samsung ​ត្រូវ​បាន​គេ​រំពឹង​ថា​នឹង​ដណ្ដើម​​គ្នា​យក​ពាន​ទូរសព្ទ​​ល្អ​បំផុត​ប្រចាំ​ឆ្នាំ ឬ Phone of the Year នៅ​ក្នុង​កម្មវិធី​ពាន​រង្វាន់​បច្ចេកវិទ្យា T3 Awards ឆ្នាំ​នេះ ប៉ុន្តែ​ទី​បំផុត​ក្រុមហ៊ុន​ HTC ឯណោះ​វិញ​ទេ​ដែល​ជា​អ្នក​ឈ្នះ។ ទូរសព្ទ HTC One របស់​ក្រុមហ៊ុន​ HTC បាន​វាយ​បំបាក់​គូ​ប្រជែង​ជា​បេក្ខភាព​ដណ្ដើម​ពាន​នេះ​ចំនួន​​៥​ផ្សេង​ទៀត​ គឺ Apple iPhone 5, Sony Xperia Z, Samsung Galaxy S4, Nokia Lumia 925 និង BlackBerry Z10 ដើម្បី​ក្លាយ​ជា Phone of the Year ក្នុង​ឆ្នាំ​២០១៣ ​នេះ។ មិន​ត្រឹម​តែ​ប៉ុណ្ណោះ​ទេ ក្រុមហ៊ុន​តៃវ៉ាន់​មួយ​នេះ ក៏​បាន​ឈ្នះ​ពាន T3 Design Award និង Gadget of the Year ផង​ដែរ។ យ៉ាង​ណា​ក្ដី ទោះ​មិន​ឈ្នះ​ក្នុង​ផ្នែក​ទូរសព្ទ​ក៏​ពិត​មែន ក៏​ Apple និង Samsung មាន​ឈ្មោះ​ក្នុង​បញ្ជី​ពាន​​ក្នុង​ផ្នែក​ផ្សេង​នោះ​ដែរ។ ជាក់ស្ដែង Apple បាន​ឈ្នះ​ពាន​រង្វាន់​២​ គឺ​កុំព្យូទ័រ​ល្អ​បំផុត​ប្រចាំ​ឆ្នាំ ឬ Computer of the Year (Mac Book Air 11 Inch) និង Tablet of the Year (iPad Mini)។ ចំណែក Samsung វិញ បាន​ឈ្នះ​ពាន​រង្វាន់ Brand of the Year។ ចំណែក​ក្រុមហ៊ុន Sony ​បាន​ឈ្នះ​ពាន​រង្វាន់​២ គឺ​កាមេរ៉ា​ឌីជីថល​ល្អ​បំផុត​ប្រចាំ​ឆ្នាំ (Sony Nex-6) និង​ទូរទស្សន៍​ល្អ​បំផុត​ប្រចាំ​ឆ្នាំ ( Sony Bravia KD-65X9005A)។ តោះ! ចង់​ដឹង​​ថា​ពាន​រង្វាន់​ទាំង​អស់​នៅ T3 Awards ឆ្នាំ​នេះ បាន​ទៅ​​ក្រុម​ហ៊ុន និង​ផលិតផល​ណា​ខ្លះ សូម​មើល​ដូច​ខាង​ក្រោម​នេះ៖ អត្ថបទ​ពាក់ព័ន្ធ៖ HTC One មាស​តម្លៃ​ជាង ៣ពាន់​ដុល្លារ​អាមេរិក ចង់​ដឹង​លក្ខណៈ​សម្បតិ្ត​របស់ HTC One សូម​ចុច​ត្រង់​នេះ ប្រែ​សម្រួល៖ សុខ សុវត្ថិ
ប្រភព៖ huffingtonpost

ប្រភពពី៖​ www.news.sabay.com.kh