ប្រទេសចិន៖មន្ដ្រីជាន់ខ្ពស់នៃក្រសួងអប់រំចិនមួយរូបដែលលួចលាក់សាហាយស្មន់ជាមួយប្រពន្ធគេបានធ្លាក់ពីជាន់ទី៤ស្លាប់នៅពេលដែលប្ដីរបស់ស្រីស្នេហ៍ ប្រទេសចិន ៖ មន្ដ្រីជាន់ខ្ពស់នៃ ក្រសួងអប់រំចិនមួយរូប ដែលលួចលាក់សាហាយស្មន់ ជាមួយប្រពន្ធគេ បានធ្លាក់ពីជាន់ទី៤ស្លាប់ នៅពេលដែលប្ដីរបស់ស្រីស្នេហ៍ ត្រឡប់មកពីធ្វើការដោយចៃដន្យ ចំពេលដែលមន្ដ្រីរូបនោះ កំពុងតែមានស្នេហាល្អូកល្អិនជាមួយនាងជាប្រពន្ធ ហើយសារព័ត៌មានក្នុងស្រុក បានផ្សព្វផ្សាយថា មន្ដ្រីមន្ទីរអប់រំរូបនោះ បានលោតចេញតាមបង្អួច ទម្លាក់មកក្រោម ។
ប៉ូលិសប្រចាំខេត្ដអានហុយ ប្រទេសចិន កាលពីថ្ងៃទី១៧ ខែតុលា បានប្រកាសឱ្យដឹងថា ប្រធានមន្ទីរអប់រំ និងបណ្ដុះបណ្ដាលក្នុងខេត្ដនេះ បានធ្លាក់ពីជាន់ទី៤ នៃអគារខុនដូ ស្លាប់ភ្លាមៗនៅនឹងកន្លែង ធ្វើឱ្យពលរដ្ឋ ដែលរស់នៅក្នុងខុនដូ ភ្ញាក់ផ្អើលយ៉ាងខ្លាំង ដោយមិននឹកស្មានថា ស្ដ្រីដែលជាអ្នកគ្រូ និងជាប្រពន្ធគេហើយនោះ នៅតែមានសហាយស្មន់ ជាមួយប្រធានមន្ទីរអប់រំ ។
ពលរដ្ឋដែលនៅទីនោះបានរៀបរាប់ឱ្យដឹងថា ពួកគេកំពុងអង្គុយមើលទូរទស្សន៍ ស្រាប់តែឮសំឡេងខ្លាំងមួយ ហើយអើតមើលតាមបង្អួច ក៏ឃើញបុរសម្នាក់ ដេកស្ដូកនៅលើដី ពេលដំបូងពួកគេនឹកស្មានថាជាចោរ ។ មួយសន្ទុះក្រោយមកប៉ូលិស ក៏បានមកដល់កន្លែងកើតហេតុ ហើយនាំខ្លួនអ្នកគ្រូ ដែលជាស្រីស្នេហ៍លួចលាក់នោះ ទៅស្នាក់ការប៉ូលិស ។
ស្វាមីរបស់អ្នកគ្រូ ដែលជាស្រីផិតក្បត់ បានរៀបរាប់ឱ្យដឹងថា ពេលគាត់ត្រឡប់មកពីធ្វើការ ដោយចៃដន្យខុសពេលវេលា ដូចសព្វដង ក៏ស្រាប់ឃើញទ្វារបិទ ចាក់សោពីខាងក្នុង។ គាត់បានទូរស័ព្ទ ទៅប្រពន្ធឱ្យចេញមកបើកទ្វារ ស្រាប់តែស្ងាត់ឈឹង មិនដឹងជាមានរឿងអ្វីកើតឡើងទេ ប៉ុន្ដែរយៈពេល ១០ នាទីក្រោយមកទើបបើកទ្វារ។
ពេលនាងបើកទ្វារភ្លាម ក៏ស្រាប់តែឮសូរសំឡេង លាន់ខ្លាំងនៅខាងក្រោយផ្ទះ ហើយអ្នករស់នៅជិតខាង បានសំដែងការខឹងសម្បា និងខកចិត្ដចំពោះមន្ដ្រីមន្ទីរអប់រំ ក៏ដូចជាអ្នកគ្រូជាភរិយា ដែលមានប្ដីស្មោះស្ម័គ្រ នៅតែផិតក្បត់លួចមានសហាយស្មន់ យកមកដេកក្នុងបន្ទប់របស់ខ្លួន ពេលប្ដីមិននៅ ៕
Source from: watphnom-news.com
No comments:
Post a Comment