រាជធានីភ្នំពេញ៖បុរសម្នាក់ស្ថិតក្នុងស្ថានភាពស្រវឹងជោកជាំបានបើកម៉ូតូទៅបុកខឿនចិញ្ចើមផ្លូវរង្វង់មូលចោមចៅស្ថិតក្នុងសង្កាត់ចោមចៅខណ្ឌពោធិ៍សែនជ័យតាមផ្លូវជាតិលេខ៣រាជធានីភ្នំពេញ ៖ បុរសម្នាក់ស្ថិតក្នុងស្ថានភាពស្រវឹងជោកជាំ បានបើកម៉ូតូទៅបុក ខឿនចិញ្ចើមផ្លូវរង្វង់មូលចោមចៅ ស្ថិតក្នុងសង្កាត់ចោមចៅ ខណ្ឌពោធិ៍សែនជ័យ តាមផ្លូវជាតិលេខ៣ កាលពីវេលាម៉ោង ៦និង៣០ នាទីព្រលប់ថ្ងៃទី២៧ ខែតុលា ឆ្នាំ២០១៣ បណ្តាលឲ្យរបួសបែកក្បាល និងបែកចិញ្ចើមសន្លប់ ស្តូកស្តឹង ត្រូវដឹកបញ្ជូនទៅសង្គ្រោះបន្ទាន់ នៅមន្ទីរពេទ្យ។
មុនពេលកើតហេតុបុរសរងគ្រោះ បានជិះម៉ូតូម៉ាកហុងដា សេ១២៥ ពណ៌ខ្មៅស៊េរី ២០១៣ ពាក់ស្លាកលេខ ភ្នំពេញ 1BY-4125 តាមរង្វង់មូលចោមចៅ ឆ្ពោះទៅផ្លូវជាតិលេខ៣ ក្នុងទិសដៅពីកើតទៅលិច ។ លុះដល់ចំណុចកើតហេតុ ស្រាប់តែជ្រុលចង្កូតទៅបុក ខឿនផ្លូវបណ្ដាលឱ្យម៉ូតូ និងអ្នកបើកដួល រងរបួសធ្ងន់តែម្ដង ។
ក្រោយពេលដឹងខ្លួនពីសន្លប់ ជនរងគ្រោះបានប្រាប់ថា គាត់ឈ្មោះ សី វ៉ាន់ណូ អាយុ ៣២ឆ្នាំ មុខរបរ លក់ដូរ រស់នៅភូមិព្រៃព្រីងខាងត្បូង សង្កាត់ចោមចៅ ខណ្ឌពោធិ៍សែនជ័យ មានស្រុកកំណើត ភូមិសំបុក ឃុំឈូក ស្រុកឈូក ខេត្ដកំពត ។ ជនរងគ្រោះត្រូវ បានរថយន្ដសង្គ្រោះបន្ទាន់ របស់អង្គភាព៧១១ នៃកងពលតូចលេខ៧០ ជួយដឹកទៅកាន់មន្ទីរពេទ្យ បង្អែកពោធិ៍ចិនតុង៕
Source from: watphnom-news.com
No comments:
Post a Comment