រាជធានីភ្នំពេញ៖នារីជនជាតិចិនម្នាក់បានចូលទៅស្នាក់នៅក្នុងផ្ទះជួលលេខ13AEoតាមបណ្តោយផ្លូវ៤១០សង្កាត់បឹងត្របែករាជធានីភ្នំពេញ ៖ នារីជនជាតិចិនម្នាក់ បានចូលទៅស្នាក់នៅ ក្នុងផ្ទះជួលលេខ 13AEo តាមបណ្តោយផ្លូវ៤១០ សង្កាត់បឹងត្របែក ខណ្ឌចំការមន ប្រមាណជាង ១០ ម៉ោង ត្រូវចោរចូលលួចលុយ ក្នុងបន្ទប់ដេកបាត់អស់ជាងមួយម៉ឺនដុល្លារ កាលពីវេលាម៉ោង ១និង៣០ នាទីរំលងអធ្រាត្រ ឈានចូលថ្ងៃទី១ ខែតុលា ឆ្នាំ២០១៣។
នារីរងគ្រោះឈ្មោះ ត្រេស ស៊ី អាយុ២៤ឆ្នាំ ជាមេការក្រុមហ៊ុនអគ្គិសនីចិន បានមកពីក្រុងសៀងហៃ ប្រទេសចិនមកដល់កម្ពុជា នៅព្រលានយន្តហោះអន្តរជាតិភ្នំពេញ នៅវេលាម៉ោង ៦ល្ងាច កាលពីថ្ងៃទី៣០ ខែកញ្ញា គាត់មិនមានមិត្តភក្តិ ឬបុគ្គលិកទៅទទួលនោះទេ គឺគាត់បានធ្វើដំណើរ តាមរថយន្តតាក់ស៊ី តែម្នាក់ឯង មកជួលផ្ទះខាងលើស្នាក់នៅ ហើយដោយទំនង ជានឿយហត់ ចំពោះការធ្វើដំណើរផ្លូវឆ្ងាយ នារីរងគ្រោះបានលង់ដំណេក យ៉ាងស្កប់ស្កល់។
រហូតដល់ម៉ោង ១និង៣០ នាទីរំលងអធ្រាត្រ ឈានចូលថ្ងៃទី១ ខែតុលា ឆ្នាំ២០១៣ ទើបនារីរងគ្រោះឈ្មោះ ត្រេស ស៊ី ភ្ញាក់ដឹងខ្លួន រកមើលកាបូបលុយ ក៏ស្រាប់បាត់មិនឃើញ ហើយព្រឹកឡើងម៉ោងប្រមាណ ៧ ទើបនារីរងគ្រោះ មកដាក់ពាក្យបណ្តឹង ដោយបញ្ជាក់ប្រាប់សមត្ថកិច្ចថា នៅក្នុងកាបូបមានប្រាក់ចំនួន ៩.០៦០ ដុល្លារ ទូរស័ព្ទ១គ្រឿង អាយផេត មួយគ្រឿង កាមេរ៉ា១គ្រឿង ប៉ាស្ព័រ ១ ច្បាប់ ដោយចោរបានយកទៅទាំងអស់ មិនបានទុកបន្សល់អ្វីបន្តិចឡើយ៕
Source from: watphnom-news.com
No comments:
Post a Comment