រាជធានីភ្នំពេញ៖បុរសម្នាក់បានផឹកស៊ីស្រវឹងជោកជាំបាត់បង់ភាពម្ចាស់ការបញ្ជាម៉ូតូលែងបានក៏ជ្រុលចង្កូតទៅបុកចូលលូបណ្តាលឲ្យរងរបួសធ្ងន់សន្លប់ឈឹងនៅនឹងកន្លែងរីឯម៉ូតូរងការខូចខាតរាជធានីភ្នំពេញ ៖ បុរសម្នាក់បានផឹកស៊ីស្រវឹងជោកជាំ បាត់បង់ភាពម្ចាស់ការបញ្ជាម៉ូតូលែងបាន ក៏ជ្រុលចង្កូតទៅបុកចូលលូ បណ្តាលឲ្យរងរបួសធ្ងន់ សន្លប់ឈឹងនៅនឹងកន្លែង រីឯម៉ូតូរងការខូចខាត ផ្នែកខាងមុខយ៉ាងដំណំផងដែរ កាលពីវេលាម៉ោង ៨និង៤០ នាទីយប់ថ្ងៃទី៣០ ខែតុលា ឆ្នាំ២០១៣ តាមបណ្តោយផ្លូវបេតុង ស្ថិតក្នុងភូមិថ្មគោល សង្កាត់ចោមចៅ ខណ្ឌពោធិ៍សែនជ័យ ។
សាក្សីបានឲ្យដឹងថា នៅមុនពេលកើតហេតុ គេឃើញជនរងគ្រោះ ជិះម៉ូតូម្នាក់ឯងក្នុងទិសដៅ ពីកើតទៅលិចក្នុងល្បឿន រេចុះររឡើងពេញផ្លូវ ស្រាប់តែជ្រុលចង្កូត ទៅបុកលូ ១កង់ដែលគេដាក់ចោល នៅនឹងចិញ្ចើមផ្លូវ បណ្តាលឲ្យម៉ូតូចូលទៅ ១កំណាត់ខាងមុខ រីឯអ្នកបើកបរវិញខ្ទាត បុកជាប់មាត់លូ សន្លប់នៅក្បែរលូរងរបួសធ្ងន់។
ជនរងគ្រោះមានឈ្មោះមានឈ្មោះ អ៊ុំ សាវុធ អាយុ ៣០ឆ្នាំ មុខរបរកម្មកររោងចក្រ ស្នាក់នៅផ្ទះជួលភូមិជម្ពូវ័ន សង្កាត់ចោមចៅ ខណ្ឌពោធិ៍សែនជ័យ មានស្រុកកំណើត នៅភូមិខ្នារោង ឃុំព្រះរាម ស្រុកបាទី ខេត្តតាកែវ រងរបួសបែកក្បាលសន្លប់ឈឹង។ ជនរងគ្រោះជិះម៉ូតូមួយគ្រឿង ម៉ាកវ៉េវ ស៊េរី២០០៣ ពណ៌ក្រហម ពាក់ស្លាកលេខ កំពង់ស្ពឺ 1A-9023 រងការខូចខាតមួយ កំណាត់មុខយ៉ាងដំណំ ត្រូវបាននគរបាលប្រគល់ឲ្យប្រពន្ធ យកទៅជួសជុលដោយខ្លួនឯង៕
Source from: watphnom-news.com
No comments:
Post a Comment