រាជធានីភ្នំពេញ៖សមត្ថកិច្ចចម្រុះបានចុះបង្ក្រាបទីតាំងជួញដូរផ្លូវភេទធំៗចំនួន២កន្លែងនៅក្នុងទឹកដីខណ្ឌចំការមនកាលពីវេលាម៉ោង៨និង៤០នាទី រាជធានីភ្នំពេញ ៖ សមត្ថកិច្ចចម្រុះ បានចុះបង្ក្រាបទីតាំងជួញដូរផ្លូវភេទធំៗចំនួន ២កន្លែង នៅក្នុងទឹកដីខណ្ឌចំការមន កាលពីវេលាម៉ោង ៨និង៤០នាទី យប់ថ្ងៃទី៣១ ខែតុលា ឆ្នាំ២០១៣ ដោយយោងទៅតាមពាក្យបណ្តឹងរបស់ភ្ញៀវដែលចូលទៅម៉ាស្សា ហើយបានប្តឹងទៅអង្គការ IGM សុំឲ្យចុះមកជួយសង្គ្រោះនារី ដែលត្រូវគេបង្ខំឲ្យមកបម្រើផ្លូវភេទនៅក្នុងហាងទាំងពីរនេះ។
ទីតាំងរកស៊ីផ្លូវភេទដែលត្រូវបានបង្ក្រាបទី១ ស្ថិតនៅក្នុងហាងម៉ាស្សា តាមបណ្តោយផ្លូវសុធារស ទល់មុខខារ៉ាអូខេ X2 ក្នុងទន្លេបាសាក់ ខណ្ឌចំការមន ដោយសមត្ថកិច្ចបានឃាត់ខ្លួន នារីបម្រើផ្លូវភេទ ចំនួន ១១នាក់ សុទ្ធសឹងជាជនជាតិវៀតណាម ហើយបុរសចំនួន ៥នាក់ ក៏បានឃាត់ខ្លួន។ ចំណែកទីតាំងទី២ ស្ថិតនៅផ្ទះលេខ១៤៨ ផ្លូវលេខ៦៣ សង្កាត់ចតុមុខ ខណ្ឌដូនពេញ ដោយបានឃាត់ខ្លួននារីវ័យក្មេងចំនួន ១០នាក់ និងបុរស ៣នាក់ទៀត។
អង្គការ IGM បន្ទាប់ពីបានទទយលពាក្យបណ្តឹង ក៏សហការជាមួយ សមត្ថកិច្ចចម្រុះនៃនាយកដ្ឋានប្រឆាំង ការជួញដូរមនុស្ស ដែលដឹកនាំដោយព្រះរាជអាជ្ញារង អមសាលាដំបូងរាជធានីភ្នំពេញ ចុះឆែកឆេរក្នុងហាងម៉ាស្សាខាងលើ ដោយរកឃើញជាក់ស្តែងថា ពិតជាមានការជួញដូរផ្លូវភេទប្រាកដមែន ។ ជាមួយការបង្ក្រាបហាងម៉ាស្សាបម្រើផ្លូវភេទ ទាំងពីរកន្លែងនេះ ក៏មានការរិះគន់ដល់ នគរបាលប្រឆាំងការជួញដូរមនុស្ស រាជធានីភ្នំពេញ ដែលគិតតែដើរប្រមូលលុយ គ្មានខ្វល់ពីការបង្ក្រាបនោះទេ៕
Source from: watphnom-news.com
No comments:
Post a Comment