សាកសពរបស់បុរសម្នាក់ ត្រូវបានប្រជាពលរដ្ឋប្រទះឃើញនៅលើទ្រូងផ្លូវមានស្នាមអូសប្រមាណជាង១០ម៉ែត្រ ប្រឡាក់សុទ្ធតែឈាម កាលពីវេលាម៉ោង១២ និង៣០នាទីរំលងអធ្រាត្រឈានចូលថ្ងៃទី០២ ខែធ្នូ ឆ្នាំ២០១៣នេះ នៅភូមិអូរតានេស ឃុំរលាប្អៀរ ស្រុករលាប្អៀរ ខេត្តកំពង់ឆ្នាំង។
សមត្ថកិច្ចដែលបានចុះពិនិត្យដល់កន្លែងកើតហេតុមិនទាន់អាចកំណត់បានអំពីអត្តសញ្ញាណជនរងគ្រោះនៅឡើយ នៅត្រឹមវេលាព្រឹកនាថ្ងៃទី០២ ខែធ្នូ ឆ្នាំ២០១៣នេះ។ សាកសពនេះត្រូវបានសមត្ថកិច្ចបញ្ជាក់ថា មានកម្ពស់ប្រមាណជាង១,៦៥ម៉ែត្រ មានសម្បុរសណ្តែកបាយ និងមានពាក់អាវយឺតដៃខ្លីពណ៌ខ្មៅ ស្លៀកខោខៅប៊យជើងវែងពណ៌ខៀវ ហើយសាកសពត្រូវបានសមត្ថកិច្ច និងអាជ្ញាធរមូលដ្ឋានយកមកតម្កលទុកនៅក្នុងវត្តថ្មី ឋិតក្នុងភូមិឃុំ កើតហេតុខាងលើ។
សមត្ថកិច្ចបានឲ្យដឹងទៀតថា ជនរងគ្រោះដែលគេបានប្រទះឃើញសាកសពនោះអាចស្លាប់បាត់បង់ជីវិតដោយសាររថយន្តបុក ព្រោះនៅកន្លែងកើតហេតុ មានបន្សល់ទុកនូវស្នាមកង់រថយន្តបុកអូសប្រមាណជាង១០ម៉ែត្រ និងមានស្នាមរបួសដោយបោកទៅនឹងថ្នល់។ ចំណែករថយន្តបង្កបានបើករត់គេចបាត់បន្ទាប់ពីបុកជនរងគ្រោះរួចមក៕
Source from: www.dtn7.com
No comments:
Post a Comment