កុងតឺន័រក្រុមហ៊ុនតិចស្រ៊ុន បើកបុកម៉ូតូកិនបុរសម្នាក់ បែកក្បាលធ្លាយខួរហូរឈាមពេញផ្លូវ
ខេត្តព្រះសីហនុ៖រថយន្តកុងតឺន័រជាកម្មសិទ្ធិរបស់ក្រុមហ៊ុនតិចស្រ៊ុនបានបើកចេញពីកំពង់ផែស្វយ័តថ្មីខេត្តព្រះសីហនុ ៖ រថយន្តកុងតឺន័រ ជាកម្មសិទ្ធិ របស់ក្រុមហ៊ុន តិចស្រ៊ុន បានបើកចេញពី កំពង់ផែស្វយ័តថ្មី ទៅបុកម៉ូតូដួល ចូលក្រោមកង់ឡាន កិនបុរសម្នាក់បែកក្បាល ធ្លាយខួរហូរឈាមពេញផ្លូវ ស្លាប់ភ្លាមៗនៅនឹង កន្លែងកើតហេតុនិងម្នាក់ទៀតបាន រងរបួសស្រាល កាលពីម៉ោងជាង ៩ យប់ថ្ងៃទី២៨ ធ្នូ២០១៣ ក្នុងភូមិ៣ សង្កាត់៣ ក្រុងព្រះសីហនុ។
ជនរងគ្រោះ ដែលបានស្លាប់មានឈ្មោះ ផាត់ សុខាម៉ូរា ហៅកុយអាយុ ២៤ឆ្នាំ មុខរបរទាហាន ជាអ្នកបើកម៉ូតូ បច្ចុប្បន្នរស់នៅភូមិ៣ សង្កាត់លេខ៣ ក្រុងព្រះសីហនុ និងយុវជនម្នាក់ទៀត ដែលរងរបួសស្រាល ជាអ្នករួមដំណើរពីក្រោយ មិនទាន់ស្គាល់អត្តសញ្ញាណ នៅឡើយទេ។ ចំណែកឯតៃកុង បើកបររថយន្តកុងតឺន័រវិញ មានឈ្មោះ ដេត ក្រោយកើតហេតុ បានចុះពីលើរថយន្ត រត់គេចខ្លួនបាត់ស្រមោល។
ជនរងគ្រោះទាំងពីរនាក់ បានជិះម៉ូតូហ្វីណូ ពណ៌ក្រហមលាយខ្មៅ ពាក់ស្លាកលេខ ព្រះសីហនុ ១B- ៦០៤៤ ធ្វើដំណើរក្នុងទិសដៅ ពីកើតទៅលិច លុះមកដល់ចំណុចផ្លូវបំបែក ចុះទៅតំបន់ទំនប់រលក ស្រាប់តែមានរថយន្ត កុងតឺន័រមួយគ្រឿង ពាក់ស្លាកលេខ បណ្តោះអាសន្ន ០៣៧៩ ដែលជាកម្មសិទ្ធិ របស់ក្រុមហ៊ុន តិចស្រ៊ុន បើកចេញពីកំពង់ផែស្វយ័ត ប៉ះនឹងម៉ូតូជនរងគ្រោះចំកង់ក្រោយ ផ្នែកខាងឆ្វេងនៃក្បាលរថយន្ត បណ្តាលឲ្យមានមនុស្សស្លាប់ និងរបួសតែម្តង៕
Source from: watphnom-news.com
No comments:
Post a Comment