បង្ក្រាបទីតាំងស្តុកឈើទ្រង់ទ្រាយធំ របស់ឧកញ៉ាសី និងមេឈ្មួញ ៣នាក់ទៀត ក្នុងស្រុកតាវែង តែមិនទាន់វែកមុខជនល្មើសនាំទៅដាក់ទោស
ខេត្តរតនគិរី៖សមត្ថកិច្ចចម្រុះរួមមានកម្លាំងតំបន់ប្រតិបត្តិការសឹករងខេត្តរតនគិរីជំនាញរដ្ឋបាលព្រៃឈើកម្លាំងស្រាវជ្រាវចារកិច្ចខេត្តរតនគិរី ៖ សមត្ថកិច្ចចម្រុះ រួមមានកម្លាំង តំបន់ប្រតិបត្តិការសឹករង ខេត្តរតនគិរី ជំនាញរដ្ឋបាលព្រៃឈើ កម្លាំងស្រាវជ្រាវចារកិច្ច អគ្គបញ្ជាការ ប្រចាំខេត្តរតនគិរី កម្លាំងទីចាត់ការព្រំដែន អគ្គបញ្ជាការ និងកម្លាំងតំបន់ ប្រតិបត្តិការសឹករងស្រុកតាវែង បានចុះរឹបអូសឈើ ប្រភេទប្រណីត ជិត៤០០ ដុំ កាលពីថ្ងៃទី៣០ ខែមករា នៅតាមដងទន្លេសេសាន ត្រង់ចំណុចភូមិកិគួង ឃុំតាវែង ស្រុកតាវែង ខេត្តរតនគិរី ។
ប្រភពពីមន្ត្រីមួយចំនួន បានឲ្យដឹងថា ឈើទាំងនេះជារបស់ឧកញ៉ាសី និងមេឈ្មួញ ៣ នាក់ទៀតឈ្មោះ ចាន់ ឈ្មោះ គ្រី និងឈ្មោះ ចែទូច ហើយសមត្ថកិច្ច បានបញ្ជាក់ថា ឈើទាំងនោះ ត្រូវបានរាប់ឃើញចំនួន ៣៦៨ ដុំ មានទំហំ មុខកាត់ចាប់ពី ៣០× ៣០ សង់ទីម៉ែត្រ ដល់ ៥០ × ៥០ សង់ទីម៉ែត្រ និងមានប្រវែង ៣-៤ ម៉ែត្រ គេលាក់ទុកនៅក្រោមក្បូន បម្រុងដឹកតាមរថយន្តនាំចេញ ក៏ត្រូវសមត្ថកិច្ចដឹងទាន់ ហើយឃាត់ចាប់បាន ។
ប្រតិបត្តិការបង្ក្រាប និងរឹបអូសឈើប្រណិត ទ្រង់ទ្រាយធំ ក្នុងស្រុកតាវែង នៅពេលនេះ ធ្វើឡើងតាមបញ្ជា របស់លោក ប៉ាវ ហមផាន អភិបាល នៃគណៈអភិបាល ខេត្តរតនគិរី ហើយប្រតិបត្តិការនេះ បានចែកជា ៣ មុខព្រួញទៅតាម កន្លែងផ្សេៗគ្នា ដែលក្រុមឈ្មួញ ដឹកតាមរថយន្តរ៉េវ មកគរទុក។ សមត្ថកិច្ចបានរកឃើញ ឈើប្រណីត នៅភូមិកិគង់ មានឈើ ១៨៧ដុំ ភូមិទំពូន រឿងតូច ៦៧ ដុំ និង ភូមិផាវ ១១៤ដុំ តាមបណ្តោយមាត់ទន្លេសេសាន ស្ថិតក្នុងឃុំតាវែងក្រោម ស្រុកតាវែង ខេត្តរតនគិរី។
ក្រុមឈ្មួញដែលដឹក ឈើប្រណីតមកគរទុក តាមមាត់ទន្លេនេះ រួមមានឧកញ៉ា សី ឈ្មោះ ចែទូច លោកគ្រី និងលោក ចាន់ ហើយប្រភពឈើ ប្រណិតទាំងនេះ ត្រូវបានក្រុមឈ្មួញ ជួលកម្មករមានខ្មែរ និងបងប្អូនជាតិ ចូលកាប់និងអារដឹកចេញ ពីតំបន់ឧទ្យានជាតិ វរជ័យ ដែលគ្រប់គ្រង ដោយមន្ត្រីបរិស្ថាន។ ដូច្នេះក្រោយការបង្ក្រាប បទល្មើសព្រៃឈើ ទ្រង់ទ្រាយធំ នៅស្រុកតាវែងនេះ គួរតែស្រាវជ្រាវវែកមុខ ក្រុមឈ្មួញនិងមន្ត្រីពាក់ព័ន្ធ មកដាក់ពិន័យ និងផ្តន្ទាទោសតាមច្បាប់៕
Source from: watphnom-news.com
No comments:
Post a Comment