លិខិតបដិសេធមួយសន្លឹក មានន័យមិនគ្រប់គ្រាន់ ចំពោះព័ត៌មានដ៏រសើប ទាក់ទិនភាពអសកម្មដែលប្រព្រឹត្តដោយ ក្រុមរបស់លោក សារ៉ាក់ ខាន់
រាជធានីភ្នំពេញ៖ភាពអសកម្មនិងអំពើបក្ខពួកនិយមនាំឲ្យមានការលួចបន្លំចំណូលថវិកាជាតិដែលកំពុងកើតមានក្នុងអង្គភាពបញ្ញត្តិករទូរគមនាគមន៍កម្ពុជារាជធានីភ្នំពេញ ៖ ភាពអសកម្មនិងអំពើបក្ខពួកនិយម នាំឲ្យមានការលួចបន្លំ ចំណូលថវិកាជាតិ ដែលកំពុងកើតមាន ក្នុងអង្គភាព បញ្ញត្តិករទូរគមនាគមន៍កម្ពុជា មិនមែនជារឿងថ្មីនោះទេ ហើយគេមើលឃើញថា វាគ្រាន់តែជាកាកសំណល់ចាស់ដែលធ្វើឱ្យលោក សូរ ឃូន របូតពីតំណែងជារដ្ឋមន្ត្រី ក្រសួងប្រៃសណីយ៍ និងទូរគមនាគមន៍ ដោយមិនដឹងខ្លួន។ គេជឿថា លោក ប្រាក់ សុខុន ដែលទើបឡើងជំនួសតំណែង លោក សូរ ឃូន មិនទាន់បានដឹងពីបច្ចេកទេស នៃការប្រព្រឹត្តអំពើពុករលួយ របស់ក្រុមលោក ម៉ូវ ចរិយា លោក ឡាយ ម៉ារីវូ និងលោក សុង ឡេង ដែលមានលោករដ្ឋលេខាធិការ សារ៉ាក់ ខាន់ ជាខ្នងបង្អែកនៅឡើយទេ ហើយក៏ទាមទារឱ្យ អង្គភាព ប្រឆាំងអំពើពុករលួយ ពិនិត្យមើលបញ្ហានេះឡើងវិញ ជាបន្ទាន់ផងដែរ។
ក្រុមនិយោជកបានចាត់ទុកថា ក្រុមលោក ម៉ូវ ចរិយា លោក ឡាយ ម៉ារីវូ និងលោក សុង ឡេង កំពុងប្រកួតប្រជែងគ្នា យកអង្គភាពបញ្ញត្តិករ ទូរគមនាគមន៍កម្ពុជា ធ្វើអាជីវកម្មតាមបែបបក្ខពូកនិយម បំផ្លាញចំណូលថវិកាជាតិ ដោយគ្មានក្រែងញញើត ពីការកែទម្រង់នោះទេ នាំឲ្យប្រាក់ចំណូលជាច្រើន ត្រូវហូរចូលក្នុងហោប៉ៅមន្ត្រីពុករលួយ ជាបក្ខពួករបស់លោករដ្ឋលេខាធិការ សារ៉ាក់ ខាន់ ដែលមានអំណាច បង្កព្យុះភ្លៀង តាមតែទំនើងចិត្ត ។ ការចូលមកកាន់តំណែងថ្មីថ្មោងរបស់លោក ប្រាក់ សុខុន កំពុងតែរងនូវថ្មបាក់ ពីក្រុមលោក សារ៉ាក់ ខាន់ ដែលមានសិទ្ធិអំណាចតែងតាំង មន្ត្រីជំនិតៗរបស់ខ្លួន ឱ្យកាន់ការងារលុយកាក់ តាមតែទំនើងចិត្ត និងចាត់ចែងគ្មានតម្លាភាព ដោយបំពានលើគោលការណ៍ កំណែទម្រង់ស៊ីជម្រៅ។
មន្ត្រីមួយចំនួន បានអស់សំណើចយ៉ាងខ្លាំង ចំពោះលិខិតបដិសេធ របស់អង្គភាពបញ្ញត្តិករ ទូរគមនាគមន៍កម្ពុជា គ្មានលេខ ចុះថ្ងៃទី២១ ខែកុម្ភះ ឆ្នាំ២០១៤ ដោយលើកឡើងថា “ ក្នុងពេលថ្មីៗនេះ មានសារព័ត៌មាន និងគេហទំព័រមួយចំនួន បានចុះផ្សាយអត្ថបទ ដោយមានចេតនា បង្កាច់បង្ខូចកិត្តិយស និងសេចក្តីថ្លៃថ្នូរ របស់ថ្នាក់ដឹកនាំនៃ ក្រសួងប្រៃសណីយ៍ និងទូរគមនាគមន៍ និងបញ្ញត្តិករទូរគមនាគមន៍កម្ពុជា។ ការចោទប្រកាន់ទាំងនោះ ខុសពីការពិតទាំងស្រុង ដែលមិនអាចទទួលយកបានឡើយ។ បញ្ញត្តិករទូរគមនាគមន៍កម្ពុជា សូមបដិសេធចំពោះ អត្ថបទបែបនេះ ហើយសូមបណ្តា សារព័ត៌មាន និងគេហទំព័រទាំងនោះ ធ្វើការកែតម្រូវឡើងវិញ”។ លិខិតបដិសេធ មួយសន្លឹកនេះ មានន័យមិនគ្រប់គ្រាន់ ចំពោះព័ត៌មានដ៏រសើប ទាក់ទិននឹងអំពើពុករលួយ និង ភាពអសកម្មប្រព្រឹត្ត ដោយក្រុមរបស់លោក សារ៉ាក់ ខាន់ នោះទេ ហើយរឿងសំខាន់បំផុតនោះ គួរតែធ្វើការស៊ើបអង្កេត ស្រាវជ្រាវឲ្យបានស៊ីជម្រៅ លើការចោទប្រកាន់ទាំងនោះ ដើម្បីកុំឲ្យមានមន្ទិលសង្ស័យ។
មន្ត្រីតូចតាចបានលើកឡើងថា មន្ត្រីមួយចំនួននៅក្នុង អង្គភាពបញ្ញត្តិករ ទូរគមនាគមន៍កម្ពុជា មានបានសម្បើមណាស់ ជាពិសេសមន្ត្រីខិលខូចអសកម្ម តែងតែឡើងតំណែង លឿនដូចកាំជណ្តើរ មានទ្រព្យសម្បត្តិច្រើនហូរហៀរ ហាក់ដូចជាមិនមានតុល្យភាព ទៅនឹងប្រាក់ខែ ក្នុងក្របខ័ណ្ឌមន្ត្រីរាជការ របស់ពួកគេទេ។ ដូច្នេះគួរតែមានការស៊ើបអង្កេត ឲ្យបានស៊ីជម្រៅឡើងវិញ ទាក់ទិននឹងភាពមានបាន របស់ក្រុមលោក ម៉ូវ ចរិយា លោក ឡាយ ម៉ារីវូ និងលោក សុង ឡេង ដើម្បីធានាថាអ្វីៗធ្វើឡើងស្របតាមគោលការណ៍ កែទម្រង់និងលុបបំបាត់ បញ្ហាកិបកេងចំណូលពន្ធរដ្ឋ យកទៅច្រកហោប៉ៅ ធ្វើមានធ្វើបានផ្ទាល់ខ្លួន។ ប្រសិនបើមិនមានការស៊ើបអង្កេតបញ្ហានេះ ឲ្យស៊ីជម្រៅទេនោះ ច្បាស់ណាស់ដែលថា មន្ទិលសង្ស័យពាក់ព័ន្ធអំពើពុករលួយនិងភាពអសកម្ម ប្រព្រឹត្តដោយក្រុមលោក ម៉ូវ ចរិយា លោក ឡាយ ម៉ារីវូ និងលោក សុង ឡេង នៅតែរងការរិះគន់ជុំទិសជាមិនខាន ពោលគឺលិខិតបដិសេធតែមួយច្បាប់ មិនអាចបិទបាំងភាពអសកម្ម និងការកិបកេងបន្លំចំណូលពន្ធរដ្ឋ យកទៅធ្វើ មានធ្វើបានផ្ទាល់ខ្លួនបានទេ ។
សូមបញ្ជាក់ថា លិខិតបដិសេធនេះ មិនបានផ្ញើទៅកាន់ សារព័ត៌មាន ដែលបានចុះផ្សាយ ពីភាពអសកម្មទាំងនេះ ដោយផ្ទាល់ឬបដិសេធ ត្រង់ចំណុចណាមួយក៏ដោយ ក៏អាចចាត់ទុកថា ជាសិទ្ធិក្នុងការបំភ្លឺ របស់មន្ត្រីពាក់ព័ន្ធ ដើម្បីកុំឲ្យមានការយល់ច្រឡំ។ តែលិខិត បដិសេធនេះ ហាក់ដូចជាមិនទាន់ មានន័យគ្រប់គ្រាន់នៅឡើយទេ គឺគេចង់ឃើញលោក ប្រាក់ សុខុន បើកការស៊ើបអង្កេត ឲ្យបានស៊ីជម្រៅ លើភាពអសកម្ម អំពើបក្ខពួកនិយម និងលក្ខណសម្បត្តិ របស់ក្រុមមន្ត្រី នៅក្នុងអង្គភាព បញ្ញត្តិករទូរគមនាគមន៍កម្ពុជា ឡើងវិញផង ដើម្បីកុំឲ្យមានមន្ទិលសង្ស័យ។ ដោយឡែក អង្គភាពប្រឆាំងអំពើពុករលួយ គួរតែមានចំណែកស៊ើបអង្កេត ពីបញ្ហាប្រាក់បំណុល ឬចំណូលរបស់ បញ្ញត្តិករទូរគមនាគមន៍កម្ពុជា ដើម្បីធានាថា មានការបង់ចូល ក្នុងខ្ទង់ថវិកាជាតិ បានគ្រប់ចំនួនឬក៏អត់ ៕
Source from: watphnom-news.com
No comments:
Post a Comment