លោក អ៊ឹម សុវណ្ណា ហៅរ៉ូ ប្រឹងប្រមូលលុយពីការហូរចូលទំនិញបង់ពន្ធមិនគ្រប់ យកទៅចែកកូនចៅជំនិតៗ ២-៣ នាក់ កុំឲ្យបែករឿងពុករលួយ
ខេត្តកណ្តាល៖ចាប់តាំងពីពេលដែលអគ្គនាយកគយនិងរដ្ឋាករបានចេញសេចក្តីណែនាំឲ្យជំនាញគយគ្រប់ជាន់ថ្នាក់គ្រប់ច្រកយកចិត្តទុកដាក់ក្នុងការខេត្តកណ្តាល ៖ ចាប់តាំងពីពេលដែល អគ្គនាយកគយនិងរដ្ឋាករ បានចេញសេចក្តីណែនាំ ឲ្យជំនាញគយគ្រប់ជាន់ថ្នាក់ គ្រប់ច្រក យកចិត្តទុកដាក់ក្នុងការ ប្រមូលពន្ធឲ្យបាន ១០០ភាគរយ គេសង្កេតឃើញ ចំណូលពន្ធគយបានកើនឡើងបន្តិចបន្តួចប៉ុណ្ណោះ ប៉ុន្តែមិនទាន់មានការលុបបំបាត់ អំពើរត់ពន្ធទំនិញខុសច្បាប់ ឲ្យមានប្រសិទ្ធភាពនៅឡើយទេ។ ជាពិសេសឈ្មួញធំៗមួយចំនួន ដែលរកស៊ីនាំចូលគ្រឿងសំណង់ តាមច្រកក្អមសំណ នៅតែមានឱកាសនាំចូលទំនិញ ដោយបង់ពន្ធមិនគ្រប់ ព្រោះមានការជួយសម្របសម្រួល បិទភ្នែកពីសំណាក់ជំនាញគយ ក្រោមបញ្ជារបស់លោក អ៊ឹម សុវណ្ណា ហៅរ៉ូ មិនដែលខ្វល់ខ្វាយ ពីកំណែទម្រង់ស៊ីជម្រៅស្អីនោះទេ។
មានការបញ្ជាក់ផងដែរថា បច្ចុប្បន្ននេះ ជ្រកក្រោមកំណែទម្រង់ស៊ីជម្រៅ ដែលសម្តេច ហ៊ុន សែន បានចេញបញ្ជា ឲ្យមន្ត្រីគ្រប់ជាន់ថ្នាក់ ឆ្លុះកញ្ចក់ងូតទឹក ដុសក្អែលខ្លួនឯង ជារៀងរាល់ថ្ងៃ គឺថ្នាក់ដឹកនាំអង្គភាពជាច្រើន ដូចជាអង្គភាពគយនិងរដ្ឋាករ ប្រចាំច្រកអន្តរជាតិក្អមសំណ ស្ថិតក្រោមការគ្រប់គ្រង របស់លោក អ៊ឹម សុវណ្ណា ហៅរ៉ូ បានយកកំណែទម្រង់ស៊ីជម្រៅនេះ មកធ្វើជាខែលក្នុងការប្រមូល ផលប្រយោជន៍យកទៅច្រកហោប៉ៅ តែម្នាក់ឯង។ ពោលគឺក្នុងអង្គភាពគយនិងរដ្ឋាករ មានមន្ត្រីតែប៉ុន្មាននាក់ប៉ុណ្ណោះ ត្រូវបានលោក អ៊ឹម សុវណ្ណា ហៅរ៉ូ ផ្តល់សេចក្តីទុកចិត្ត ឲ្យកាន់ការងារលុយកាក់ ត្រួតពិនិត្យទំនិញ និងបំពេញឯកសារបង់ពន្ធជាដើម ក្រៅពីនោះត្រូវគេបញ្ឈរជើង ឲ្យចាំតែទទួលរបបប្រចាំខែប៉ុណ្ណោះ។
រឿងរ៉ាវផ្ទៃក្នុងរបស់ជំនាញគយ ច្រកក្អមសំណ ចាប់ផ្តើមទម្លាយចេញមកក្រៅ ជាបន្តបន្ទាប់ដោយសារតែមន្ត្រីតូចតាចមួយចំនួន ស្អប់ខ្ពើមការដឹកនាំ របស់លោក អ៊ឹម សុវណ្ណា ហៅរ៉ូ ដែលបក្ខពួកនិយម គិតគូរតែផលប្រយោជន៍ផ្ទាល់ខ្លួន ហើយមន្ត្រីគយមួយចំនួនទៀត បើកុំតែមានរបបបាយ និងកន្លែងស្នាក់នៅ កុំអីពួកគេរកតែលុយ ចាក់សាំងទៅបំពេញការងារ សឹងមិនបានផង ព្រោះរបបប្រាក់ខែ មានតិចតួចប៉ុណ្ណោះ មានឈ្មោះជាមន្ត្រីគយនឹងគេដែរ តែមិនមានសល់លុយកាក់ ជាដុំកំភួននោះទេ។ មន្ត្រីមួយចំនួន បានបង្ហើបឲ្យដឹងថា លោក អ៊ឹម សុវណ្ណា ហៅរ៉ូ ត្រូវដៃត្រូវជើងតែជាមួយផ្នែកគណនេយ្យ ហើយអ្នកបំពេញឯកសារបង់ពន្ធ និងអ្នកត្រួតពិនិត្យ ការដឹកជញ្ជូនទំនិញ ដើម្បីវាយតម្លៃការបង់ពន្ធ សុទ្ធសឹងតែជាមនុស្សជំនិតៗ រកលុយឲ្យលោក អ៊ឹម សុវណ្ណា ហៅរ៉ូ ធ្វើអ្វីៗអត្តនោម័តតែគ្នាគេ សូម្បីតែរបបបាយ ក៏មានការបែងចែកឋានៈ។
ភាពធូររលុងនិងការឃុបឃិតបិទភ្នែក ឲ្យក្រុមឈ្មួញធំៗ នាំចូលគ្រឿងសំណង់ និងទំនិញជាច្រើនប្រភេទទៀត ក្រោមរូបភាពបង់ពន្ធមិនគ្រប់ តាមច្រកអន្តរជាតិក្អមសំណ បានធ្វើឲ្យខាតបង់ចំណូលថវិកាជាតិ គួរឲ្យសោកស្តាយបំផុត ប៉ុន្តែលោក អ៊ឹម សុវណ្ណា ហៅរ៉ូ មិនដែលឈឺក្បាលវិលមុខពីបញ្ហានេះទេ ដោយចាត់ទុកថា ការហូរចូលទំនិញ បង់ពន្ធមិនគ្រប់កាន់តែគគ្រឹកគគ្រេង គាត់អាចប្រមូលផលប្រយោជន៍ បានកាន់តែច្រើន។ សម្រាប់ប្រភេទគ្រឿងសំណង់ ដែលមានស៊ីម៉ងត៍ ក្បឿង ការ៉ូ ថ្នាំលាប សម្ភារៈបរិក្ខារផ្ទះសម្បែង គ្រឿងអគ្គិសនី ជាប្រភេទទំនិញត្រូវបង់ពន្ធថ្លៃ លោក អ៊ឹម សុវណ្ណា ហៅរ៉ូ បានឲ្យមន្ត្រីរបស់គាត់ ជួយសម្របសម្រួលបញ្ចុះតម្លៃពន្ធ លួចបរិមាណទំនិញ ឈានដល់ការក្លែងភេទទំនិញ ហើយទំនិញរបស់ឈ្មួញធំៗ ច្រើនបំផុតបង់ពន្ធត្រឹមតែ៥០ ភាគរយប៉ុណ្ណោះ។
សូម្បីតែការដឹកជញ្ជូនឈើគ្រញូងខុសច្បាប់ ចេញទៅស្រុកយួន តាមច្រកក្អមសំណ ក៏លោក អ៊ឹម សុវណ្ណា ហៅរ៉ូ សម្ងំកើបលុយយកទៅច្រកហោប៉ៅ ធ្វើមានធ្វើបានផ្ទាល់ខ្លួន យ៉ាងរំភើយ ហើយប្រសិនបើក្រុមឈ្មួញ មិនបង់លុយជូនមន្ត្រីរបស់លោក អ៊ឹម សុវណ្ណា ហៅរ៉ូ ទៅតាមការចរចាគ្នាទេនោះ កុំសង្ឃឹមថាអាចនាំចេញឈើគ្រញូង ឬឈើប្រណីតដទៃទៀត ទៅស្រុកយួនបានឲ្យសោះ។ ការដឹកជញ្ជូនជ្រូកក្រហម និងប្រភេទទំនិញខូចគុណភាព មួយចំនួនទៀត ចូលតាមច្រកអន្តរជាតិក្អមសំណ កំពុងកើតឡើងយ៉ាងគគ្រឹកគគ្រេង ហើយពាក្យកែទម្រង់ស៊ីជម្រៅ ត្រូវបានលោក អ៊ឹម សុវណ្ណា ហៅរ៉ូ យកទៅទន្ទេញយ៉ាងរត់មាត់ ព្រមានមន្ត្រីក្រោមឱវាទឲ្យរក្សាភាពស្ងៀមស្ងាត់ កុំទម្លាយរឿងផ្ទៃក្នុងចេញទៅខាងក្រៅ ក្រែងលោមានរឿងទាំងអស់គ្នា។
ពេលខ្លះទៀត បក្ខពួករបស់លោក អ៊ឹម សុវណ្ណា ហៅរ៉ូ ប្រមូលលុយតាមរបៀបពុករលួយ ក្រោមតុយកទៅ បែងចែកតែគ្នាគេ ២ទៅ៣ នាក់ ប៉ុណ្ណោះ មិនហ៊ានយកទៅបែងចែក កូនចៅដទៃទៀតគ្រាន់បានរស់ផងទេ ខ្លាចគេថា បានលុយយកមកចែកគ្នា នាំឲ្យបែករឿងអាស្រូវពុករលួយ។ មន្ត្រីតាមអង្គភាពស្ថាប័នជាច្រើន កំពុងត្អូញត្អែររអ៊ូរទាំ ពីចំណាត់ការរបស់ថ្នាក់លើ ដែលកំពុងស៊ីតែឯង ប្រមូលលុយធ្វើមានធ្វើបានតែម្នាក់ឯង ដោយជ្រកក្រោមស្លាកកែទម្រង់ស៊ីជម្រៅ មិនក្រែងញញើតចំពោះ ការរឹតបន្តឹងរបស់អង្គភាព ប្រឆាំងអំពើពុករលួយនោះទេ៕
Source from: watphnom-news.com
No comments:
Post a Comment