ជលផលស្រុកស្អាងសហការជាមួយអាជ្ញាធរ បង្ក្រាបបទល្មើសឆក់ត្រីឃាត់ខ្លួនបាន២នាក់
ខេត្តកណ្តាល៖កម្លាំងជលផលសង្កាត់ស្អាងដឹកនាំដោយលោកឃឹមពេញជានាយសង្កាត់សហការជាមួយខេត្តកណ្តាល ៖ កម្លាំងជលផលសង្កាត់ស្អាង ដឹកនាំដោយលោក ឃឹម ពេញ ជានាយសង្កាត់ សហការជាមួយ អាជ្ញាធរមូលដ្ឋាន បានចុះទៅបង្ក្រាប ក្រុមប្រព្រឹត្តបទល្មើសឆក់ត្រីខុសច្បាប់ កាលពីថ្ងៃទី២៨ ខែកុម្ភៈ ឆ្នាំ២០១៤ ដោយបានឃាត់ខ្លួន ជនសង្ស័យចំនួន ២នាក់ ដើម្បីកសាងសំណុំរឿងបញ្ជូនទៅកាន់ថ្នាក់លើ ចាត់ការបន្តតាមនីតិវិធី។
ជនសង្ស័យដែលត្រូវឃាត់ខ្លួន មានឈ្មោះ អិន វណ្ណា ភេទប្រុស អាយុ ៤៩ឆ្នាំ រស់នៅភូមិរកា ឃុំក្រាំយ៉ូវ ស្រុកស្អាង ខេត្តកណ្តាល និងឈ្មោះ វណ្ណា វណ្ណៈ ភេទប្រុស អាយុ ១៦ឆ្នាំ រស់នៅភូមិ-ឃុំ ជាមួយគ្នាត្រូវជាឪពុកនិងកូន ត្រូវបាននាំមកទីស្នាក់ការសង្កាត់ស្អាង ដើម្បីធ្វើការសួរនាំ និងរឹបអូសឧបករណ៍ ល្មើសច្បាប់មួយចំនួនទៀត មករក្សាទុក។
បើតាមលោក ឃឹម ពេញ នាយសង្កាត់ស្អាង បានឲ្យ វត្តភ្នំ ដឹងថា ពាក់ព័ន្ធនិងករណី ប្រើប្រាស់ឧបករណ៍ខុសច្បាប់ រូបលោកតែងតែចុះសហការ ជាមួយអាជ្ញាធរមូលដ្ឋាន កោះហៅប្រជាពលរដ្ឋ ក្នុងឃុំក្រាំងយ៉ូវ មកណែនាំពន្យល់ប្រាប់ បើចង់រកស៊ីនេសាទ សុំឲ្យប្រជានេសាទទាំងអស់ អនុវត្តទៅតាមច្បាប់ ហើយជាលក្ខណៈគ្រួសារ ដូចជាដាក់មង ចងសន្ទូច ។ល។ ប៉ុន្តែហាមដាច់ខាត ចំពោះការប្រើឧបករណ៍ ដែលខុសច្បាប់។
លោក ឃឹម ពេញ នាយសង្កាត់ស្អាង បានបញ្ជាក់ឲ្យដឹងបន្តទៀតថា សព្វថ្ងៃនេះ លោកតែងតែចាត់កម្លាំងឲ្យចុះ សហការជាមួយអាជ្ញាធរជាប់ជាប្រចាំ ដើម្បីទប់ស្កាត់ឲ្យបាន រាល់បទល្មើសដែលកើតឡើង។ ជាពិសេសលោក តែងតែចុះផ្ទាល់ នៅពេលទទួលបានព័ត៌មាន ពីបទល្មើសនេសាទ ព្រោះវាជាភារកិច្ច របស់ជំនាញជលផល ហើយក៏ជាបទបញ្ជា របស់ថ្នាក់លើផងដែរ។ ចំណែកជនសង្ស័យទាំង ២នាក់ ត្រូវកសាងសំណុំរឿងបញ្ជូនទៅ នាយខណ្ឌជលផលកណ្តាល ដើម្បីចាត់ការបន្តតាមផ្លូវច្បាប់៕
Source from: watphnom-news.com
No comments:
Post a Comment