ឃាត់ខ្លួនស្ត្រីមេតុងទីនដ៏ធំមួយនៅផ្សារដេប៉ូ សូមប្រយ័ត្នមុនពេល ដាក់លុយលេងតុងទីន
រាជធានីភ្នំពេញ៖ស្ត្រីមេតុងទីនដ៏ធំមួយនៅផ្សារដេប៉ូត្រូវកម្លាំងអាវុធហត្ថឃាត់ខ្លួនកាលពីល្ងាចថ្ងៃទី១៧ខែមីនាឆ្នាំ២០១៤នៅចំណុចផ្សារដេប៉ូរាជធានីភ្នំពេញ ៖ ស្ត្រីមេតុងទីនដ៏ធំមួយនៅផ្សារដេប៉ូ ត្រូវកម្លាំងអាវុធហត្ថឃាត់ខ្លួន កាលពីល្ងាចថ្ងៃទី១៧ ខែមីនា ឆ្នាំ២០១៤ នៅចំណុចផ្សារដេប៉ូ ខណ្ឌទួលគោក តាមអំណាចដីកាបញ្ជាឲ្យចូលខ្លួន របស់លោក ហៀង សុភ័ក្ត្រ តំណាងអយ្យការអមសាលាដំបូង រាជធានីភ្នំពេញដោយចោទប្រកាន់ ពីបទឆបោក ក្នុងទឹកប្រាក់ជាង ៤ម៉ឺនដុល្លារ បន្ទាប់ជនរងគ្រោះជាច្រើននាក់ ដែលជាកូនតុងទីន ធ្វើការប្ដឹងផ្ដល់ ។
ស្ត្រីសង្ស័យដែលត្រូវបាន កម្លាំងអាវុធរាជធានី ធ្វើការចាប់ខ្លួន តាមអំណាចដីកាតុលាការនេះមានឈ្មោះ គង់ សុភ័ក្ត្រ អាយុ ៤៥ឆ្នាំ ជនជាតិខ្មែរ មានទីលំនៅបច្ចុប្បន្ន នៅក្រុមទី១៥ ភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ។ ចំណែកដើមបណ្ដឹង ត្រូវបានគេស្គាល់ឈ្មោះ អ៊ាង លឹមប៉ោ តំណាងឲ្យភាគីរងគ្រោះ ដែលជាកូនតុទីន ប្ដឹងមេតុងទីន ពីករណីឆបោក ក្នុងទឹកប្រាក់ ៤៩០០ដុល្លារ កាលពីប៉ុន្មានខែ កន្លងមកនេះ ។
ពាក់ព័ន្ធនឹងករណីនេះ មន្ត្រីអាវុធហត្ថក៏បាន សំណូមពរដល់ប្រជាពលរដ្ឋ គួរមានការប្រុងប្រយ័ត្ន ចំពោះការលេងតុងទីន ដែលតម្លៃទឹកប្រាក់ រាប់ម៉ឺនសែនដុល្លារ ពិសេសនៅរាជធានីភ្នំពេញ តែម្ដង ដែលករណីភាគច្រើន មេតុងទីនបានរត់ចោលកូន ក្រោយពីប្រមូលលុយ បានរាប់ម៉ឺនសែនដុល្លារ ហើយនោះ។ យ៉ាងណាក៏ដោយ កូនតុងទីនក៏ធ្លាប់ បោកយកលុយមេតុងទីន បានប្រាក់រាប់ម៉ឺនដុល្លារ ដូចគ្នាផងដែរ ដោយគេអះអាង មេតុងទីនអាចបោកបាន កូនតុងទីនក៏អាចបោកបានដូចគ្នា សំខាន់គឺលុយដល់ដៃ៕
Source from: watphnom-news.com
No comments:
Post a Comment