កុងតឺន័របើកបុកឡានដឹកក្រុមតន្ត្រី ស្លាប់អ្នកចម្រៀងម្នាក់ និងរបួសធ្ងន់ស្រាល ៧នាក់
រាជធានីភ្នំពេញ៖អ្នកចម្រៀងស្រីម្នាក់បានស្លាប់នៅនឹងកន្លែងកើតហេតុម្នាក់ទៀតរបួសធ្ងន់និង៦នាក់ទៀតរងរបួសស្រាលដោយសារតែរថយន្តរាជធានីភ្នំពេញ ៖ អ្នកចម្រៀងស្រីម្នាក់ បានស្លាប់នៅនឹងកន្លែងកើតហេតុ ម្នាក់ទៀតរបួសធ្ងន់ និង ៦នាក់ទៀត រងរបួសស្រាល ដោយសារតែរថយន្ត ដឹកកុងតឺន័រ របស់ក្រុមហ៊ុនសុកន រេចង្កូតទៅបុក រថយន្តដឹកក្រុមតន្ត្រីសម័យ បណ្តាលឲ្យអ្នកចម្រៀង និងសមាជិក ក្នុងវង់តន្ត្រីព្រែកហូរ ធ្លាក់ពីលើរថយន្តស្លាប់ និងរបួសរដូករណែលពេញផ្លូវ កាលពីវេលាម៉ោង ១រំលងអធ្រាត្រ ឈានចូលថ្ងៃទី១ ខែមេសា ឆ្នាំ២០១៤ នៅលើផ្លូវជាតិលេខ១ ស្ថិតក្នុងភូមិស្វាយតាអុក សង្កាត់វាលស្បូវ ខណ្ឌមានជ័យ ហើយរថយន្តកុងតឺន័របង្កបានរេចង្កូតទៅបុក របងផ្ទះប្រជាពលរដ្ឋ បាក់អស់ជាង ១០ម៉ែត្រ ខូចខាតរថយន្តស្ទើរទាំងស្រុង ហើយអ្នកបើកបរ បានរត់គេចខ្លួនបាត់ស្រមោល។
រថយន្តបង្កជាប្រភេទរថយន្ត ដឹកកុងតឺន័ររបស់ក្រុមហ៊ុន ផែស្ងួតសុកន ពាក់ស្លាកលេខ ភ្នំពេញ 3A-6451 បើកបរដោយឈ្មោះ អ៊ុំ ឧត្តម ក្រោយពេលកើតហេតុ បានរត់គេចខ្លួនបាត់ បន្សល់ ទុកតែប័ណ្ណបើកបរ នៅក្នុងរថយន្ត ។ ចំណែករថយន្តដឹកក្រុមតន្ត្រី ជាប្រភេទរថយន្តកូរ៉េ ចំណុះ ១តោនកន្លះ ពណ៌ខៀវ ពាក់ស្លាកលេខ ភ្នំពេញ 2R-0446 ដឹកឧបរណ៍តន្ត្រី និងអ្នកចម្រៀងក្នុងរថយន្ត ប្រមាណ ៨នាក់ ។ ជនរងគ្រោះដែលស្លាប់ មានឈ្មោះ ស្រី ផាត់ ភេទស្រី អាយុ ២៥ឆ្នាំ ជាអ្នកចម្រៀង មានទីលំនៅស្រុកកោះធំ ខេត្តកណ្តាល ធ្លាក់ពីលើរថយន្តបាក់កស្លាប់ ចំណែកអ្នកចម្រៀងស្រី ម្នាក់ទៀតមានឈ្មោះ ហ៊ុន គន្ធា អាយុ ២៥ឆ្នាំ រងរបួសធ្ងន់ត្រូវបានសាច់ញាតិ ដឹកទៅមន្ទីរពេទ្យ ហើយក្រុមតន្ត្រី ៦នាក់ទៀត ដែលរងរបួសស្រាល មិន ស្គាល់ឈ្មោះនោះឡើយ ។
រថយន្តទាំង ២គ្រឿង បើកបរក្នុងទិសដៅផ្ទុយគ្នា ក្នុងនោះរថយន្តដឹកកុងតឺន័រ បើកក្នុងទិសដៅ ពីភ្នំពេញទៅអ្នកលឿង ហើយរថយន្តដឹកតន្ត្រី ទើបត្រឡប់មកពីប្រគុំតន្ត្រី នៅអ្នកលឿង សំដៅមកភ្នំពេញ ហួសទៅព្រែកហូរ។ ពេលមកដល់កន្លែងកើតហេតុ ស្រាប់តែអ្នកបើកបររថយន្ត ដឹកកុងតឺន័ររេចង្កូត ចូលទៅចំណែកខាងស្តាំ នៃផ្លូវរបស់រថយន្ត ដឹកឧបករណ៍តន្ត្រី បណ្តាលឲ្យកៀរធ្លាក់ អ្នកចម្រៀង និងតន្ត្រីករមកលើផ្លូវ បណ្តាលឲ្យស្លាប់ និងរងរបួស។ រថយន្តបង្កហេតុ ដែលមិនទាន់អស់ល្បឿន បានជ្រុលទៅបុករបងផ្ទះ ប្រជាពលរដ្ឋបាក់អស់ជាង ១០ម៉ែត្រ ធ្វើឲ្យក្បាលរថយន្តកុងតឺន័រ ខ្ទេចទាំងស្រុង ហើយអ្នកបើករថយន្តបង្ក បានរត់គេចខ្លួនបាត់ស្រមោល៕
Source from: watphnom-news.com
No comments:
Post a Comment