លោក ប៉ែន ស៊ីម៉ន ត្រូវដល់អាយុចូលនិវត្តន៍ នៅថ្ងៃទី១៥ កញ្ញា ឆ្នាំ២០១៤ ហើយបើសុំពន្យារអាយុមិនបាន សាច់ញាតិអាចឡើងស្នងតំណែង ?
រាជធានីភ្នំពេញ៖លោកប៉ែនស៊ីម៉នប្រតិភូរាជរដ្ឋាភិបាលទទួលបន្ទុកជាអគ្គនាយកគយនិងរដ្ឋាករជិតដល់ពេលនឹងត្រូវចូលនិវត្តន៍រាជធានីភ្នំពេញ ៖ លោក ប៉ែន ស៊ីម៉ន ប្រតិភូរាជរដ្ឋាភិបាល ទទួលបន្ទុកជា អគ្គនាយកគយនិងរដ្ឋាករ ជិតដល់ពេលនឹងត្រូវចូលនិវត្តន៍ នៅប៉ុន្មានខែខាងមុខនេះ ហើយបើគ្មានអ្វីប្រែប្រួលទេនោះ លោក ប៉ែន ស៊ីម៉ន នឹងត្រូវចូលនិវត្តន៍ នៅខែកញ្ញា ឬថ្ងៃទី០១ ខែតុលា ឆ្នាំ២០១៤ ខាងមុខនេះ ពោលគឺតំណែងនេះ កំពុងតែមានអ្នករត់ការ ជាច្រើនផងដែរ ប៉ុន្តែមិនដឹងថា មន្ត្រីថ្នាក់ណាខ្លះទេ ដែលមានឆ្អឹងអណ្តែត ព្រោះគេដឹងថា តំណែងគ្រប់គ្រងមន្ត្រីគយ ដែលមានតួនាទីប្រមូលពន្ធ ជូនរដ្ឋដ៏សំខាន់មួយនេះ អាចនឹងធ្លាក់ទៅលើ មន្ត្រីឬសាច់ញាតិជំនិតបំផុត របស់លោក ប៉ែន ស៊ីម៉ន ក្នុងករណីដែលគាត់ សុំពន្យារអាយុចូលនិវត្តន៍ មិនបានជោគជ័យ។
តាមប្រភពខ្សឹបខ្សៀវមួយ បានបង្ហើឲ្យដឹងថា លោក ប៉ែន ស៊ីម៉ន ដែលជាអគ្គនាយកគយនិងរដ្ឋាករ ត្រូវដល់អាយុចូលនិវត្តន៍ នៅថ្ងៃទី១៥ ខែកញ្ញា ឆ្នាំ២០១៤ ប៉ុន្តែលោក ប៉ែន ស៊ីម៉ន បានរត់ការពន្យារអាយុ កាន់តំណែងជាមេគយ រហូតពេញមួយអាណត្តិតែម្តង ដូច្នេះគ្មានមន្ត្រីណាម្នាក់អាចជ្រែ យកតំណែងលោក ប៉ែន ស៊ីម៉ន បានទេ។ មានការរំលឹកផងដែរថា មន្ត្រីគយស័ក្តិក្រហម ដែលនាំគ្នារត់ការពន្យារអាយុចូលនិវត្តន៍ រួមមាន លោក ឡឹង សុភាព ប្រធានការិល័យគយ ទំនប់រលក លោក កុយ ឆាយ ជាប្រធានការិយាល័យគយ ប្រចាំច្រកស្រែអំបិល មន្ត្រីគយនៅច្រក ត្រពាំង-ស្រែវ៉ាលឺ និងមន្ត្រីគយសាខាខេត្តកំពង់ចាម មួយចំនួនទៀតផងដែរ។
មន្ត្រីគយស្អាតស្អំមួយចំនួន បានលើកឡើងថា មន្ត្រីគយស័ក្តិក្រហម ចំនួន ២ឈុត ដែលជិតដល់អាយុចូលនិវត្តន៍ បាននាំគ្នារត់ការស្នើសុំ ពន្យារអាយុចូលនិវត្តន៍ គឺឈុតទី១ មាន ១១នាក់និងឈុតទី២ មាន ២០នាក់ សរុបទាំងអស់ មានចំនួន ៣១នាក់ ហើយមានភ្នាក់ងារគយសាមញ្ញ មួយចំនួនទៀតដែលភាគច្រើន កំពុងបម្រើការងារ នៅច្រកប៉ោយប៉ែត និងខេត្តព្រះសីហនុ ដល់អាយុចូលនិវត្តន៍ទៅហើយ ប៉ុន្តែត្រូវបានថ្នាក់លើ ឬប្រធានអង្គភាព ឲ្យបន្តការងារដោយតែងតាំង ជាទីប្រឹក្សា ឬជំនួយការជាដើម ព្រោះតែភ្នាក់ងារគយចាស់ៗទាំងនោះមានជំនាញច្បាស់លាស់ ខាងប្រព្រឹត្តអំពើពុករលួយប្រមូលលុយក្រោមតុ យកទៅចែកគ្នា ធ្វើមានធ្វើបានផ្ទាល់ខ្លួន។
មានការរំលឹកផងដែរថា ការរត់ការពន្យារអាយុចូលនិវត្តន៍ ត្រូវបានធ្វើឡើងពី អគ្គនាយកដ្ឋានគយនិងរដ្ឋាករ សុំហត្ថលេខាពីរដ្ឋមន្ត្រីក្រសួងហិរញ្ញវត្ថុ រហូតមានការចេញ ព្រះរាជក្រឹត្យផងដែរ ហើយជាគោលការណ៍ គេអនុញ្ញាតឲ្យមន្ត្រី ដែលមានជំនាញ ពុករលួយ ឬមន្ត្រីដែលមានមុខ ចុះពង្រឹងមូលដ្ឋានជួយបក្សអាចទទួលបានសិទ្ធិ ពន្យារអាយុចូលនិវត្តន៍ ក្នុងគោលបំណងសំខាន់ៗចំនួន២ គឺទី១ មន្ត្រីគយចាស់ៗទាំងនោះ មានស្មារតីចាយលុយដែលបានមកពី អំពើពុករលួយ ដើម្បីពង្រឹងបក្ស ជួយជ្រោមជ្រែងដល់ការបោះឆ្នោត នាពេលខាងមុខនេះ និងទី២ ថ្នាក់ដឹកនាំគយមិនទុកចិត្ត ចំពោះមន្ត្រីគយជំនាន់ថ្មី ដែលមានគំនិតចង់ផ្លាស់ប្តូរ របៀបរបបអសកម្ម ហើយគយជំនាន់ថ្មី មិនសូវគិតគូររឿងពង្រឹងបក្សទេ។
រំលឹកដល់ការកែទម្រង់ស៊ីជម្រៅ វាជាភាសាមួយគួរឲ្យខ្មាសអៀនបំផុត ដូចដែលក្រុមអ្នកឃ្លាំមើល អំពើពុករលួយរបស់គយ បានលើកឡើងថា មន្ត្រីស្អាតស្អំនិងជំនាញគយ ដែលមានសមត្ថភាព ជំនាន់ទី៥ និងជំនាន់៦ អំឡុងពេលលោកស្រី ហូ ណូន ធ្វើជារដ្ឋមន្ត្រីក្រសួងពាណិជ្ជកម្ម ដែលគេនិយមហៅថា គយជំនាន់ឆ្នាំ១៩៨៧ រួមទាំងគយជំនាន់ទី៧ ក្នុងឆ្នាំ១៩៩០ បូករួមជាមួយ គយសមាហរណកម្ម សុទ្ធសឹងជាមន្ត្រីមានសមត្ថភាព ប៉ុន្តែទីបំផុតមន្ត្រីគយដែលមានការបណ្តុះបណ្តាល ត្រឹមត្រូវនិងមានគំនិត ស្អាតស្អំទាំងនេះ ឡើងតំណែងនិងឡើងតួនាទីអត់រួចទេហើយការផ្តល់សិទ្ធិ ឲ្យមន្ត្រីគយស័ក្តិក្រហម តាមប៉ុស្តិ៍ ការិយាល័យនិងស្នាក់ការ មួយចំនួន អាចពន្យារអាយុចូលនិវត្តន៍ រយៈពេលមួយ អាណត្តិទៀតនោះ មិនសមទំនងទាល់តែសោះ៕
Source from: watphnom-news.com
No comments:
Post a Comment