ចាប់រំលោភប្រពន្ធគេហើយផ្លោះតាមបង្អួច គេចខ្លួនបាន ៤ឆ្នាំ ត្រូវចាប់បញ្ជូនចូលទ្រុងដែក
ខេត្ដកណ្ដាល៖សមត្ថកិច្ចនគរបាលស្រុកលើកដែកបានចាប់ឃាត់ខ្លួនជនត្រូវចោទពីបទរំលោភសេពសន្ថវៈម្នាក់កាលពីវេលាម៉ោង១០និង៤៥នាទីយប់ថ្ងៃទី២៦ខេត្ដកណ្ដាល ៖ សមត្ថកិច្ចនគរបាលស្រុកលើកដែក បានចាប់ឃាត់ខ្លួន ជនត្រូវចោទពីបទ រំលោភសេពសន្ថវៈម្នាក់ កាលពីវេលាម៉ោង ១០និង៤៥ នាទីយប់ថ្ងៃទី២៦ ខែមេសា ឆ្នាំ២០១៤ ត្រង់ចំណុចភូមិ ក្បាលជ្រោយ ឃុំកំពង់ភ្នំ ស្រុកលើកដែក បញ្ជូនមកកាន់ស្នងការដ្ឋាន នគរបាលខេត្ដកណ្ដាល កាលពីព្រឹកថ្ងៃទី២៨ ខែមេសា ឆ្នាំ២០១៤ ដើម្បីចាត់ការបន្ដតាមច្បាប់។
ជនត្រូវចោទមានឈ្មោះ ចេង ហេង ហៅសាន ហេង ភេទប្រុស អាយុ ៤៨ឆ្នាំ មុខរបរជាកសិករ មានទីលំនៅ ក្នុងភូមិក្បាលជ្រោយ ឃុំកំពង់ភ្នំ ស្រុកលើកដែក ត្រូវបានលោក សំម ឫទ្ធិវាសនា តំណាងអយ្យការ ចេញដីកាបង្គាប់ ឱ្យចាប់ខ្លួនលេខ០០៣ ចុះថ្ងៃទី១២ ខែកុម្ភៈ ឆ្នាំ២០១៤ ដោយចោទប្រកាន់ ពីបទរំលោភសេពសន្ថវៈ ដែលបានប្រព្រឹត្ដ កាលពីថ្ងៃទី២០ ខែតុលា ឆ្នាំ២០១០ នៅភូមិក្បាលជ្រោយ ឃុំកំពង់ភ្នំ ស្រុកលើកដែក ខេត្ដកណ្ដាល ។
មានការរំលឹកផងដែរថា កាលពីយប់ថ្ងៃទី២០ ខែតុលា ឆ្នាំ២០១០ កន្លងទៅ ឈ្មោះ ចេង ហេង បានលបឡើងលើផ្ទះអ្នកជិតខាងម្នាក់ នៅក្នុងភូមិក្បាលជ្រោយ ឃុំកំពង់ភ្នំ ស្រុក លើកដែក ខេត្ដកណ្ដាល ហើយបានធ្វើ សកម្មភាព ចាប់ស្ដ្រីរងគ្រោះរំលោភ ខណៈដែលបុរសជាប្ដី មិននៅផ្ទះ ហើយពេលនោះស្ដ្រីរងគ្រោះ បានរើបម្រះរួច ក៏ស្រែកឆោឡោ ដឹងដល់អ្នកជិតខាង ទើបឈ្មោះ ចេង ហេង លោតផ្លោះពីលើផ្ទះស្ដ្រីរងគ្រោះ តាមបង្អួចគេចខ្លួន បាត់ស្រមោល។
ក្រោយមកស្ដ្រីរងគ្រោះ ពុំបានដាក់ពាក្យបណ្ដឹង នៅអធិការដ្ឋានននគរបាលស្រុកទេ គឺបានទៅដាក់ពាក្យបណ្ដឹងដល់ តុលាការខេត្ដកណ្ដាល រហូតខាងតំណាងអយ្យការ បើកការស៊ើប អង្កេត ធ្វើការចោទប្រកាន់ ជនត្រូវចោទ ពីបទរំលោភសេពសន្ថវៈ ហើយបានចេញដីកាបង្គាប់ឱ្យសមត្ថកិច្ចចាប់ខ្លួន ជនត្រូវចោទ ដើម្បីនាំមកផ្តន្ទាទោស។ រហូតដល់ព្រឹក ថ្ងៃទី២៨ ខែមេសា ឆ្នាំ២០១៤ នគរបាលបានបញ្ជូន ជនត្រូវចោទឈ្មោះ ចេង ហេង ហៅសាន ហេង ទៅកាន់ពន្ធនាគារ ខេត្ដកណ្ដាល ធ្វើការឃុំខ្លួនតាមដីកា របស់សាលាដំបូងខេត្ដ ៕
Source from: watphnom-news.com
No comments:
Post a Comment