គ្លីនីក រឿម ស៊ីផុន មិនមានជំនាញ ព្យាលបាលអ្នកជំងឺល្មមៗទៅជាធ្ងន់ រហូតដល់ស្លាប់
ខេត្តបាត់ដំបង៖គ្លីនីករឿមស៊ីផុនមានទីតាំងនៅភូមិឃុំខ្ពបស្រុកឯកភ្នំមិនមានជំនាញច្បាស់លាស់ព្យាបាលអ្នកជំងឺល្មមៗទៅជាធ្ងន់រហូតដល់ស្លាប់ដូចជាការធ្វើរោគវិនិច្ឆ័យខុសខេត្តបាត់ដំបង ៖ គ្លីនីករឿមស៊ីផុន មានទីតាំងនៅភូមិឃុំខ្ពប ស្រុកឯកភ្នំ មិនមានជំនាញច្បាស់លាស់ ព្យាបាលអ្នកជំងឺល្មមៗ ទៅជាធ្ងន់រហូតដល់ស្លាប់ ដូចជាការធ្វើរោគវិនិច្ឆ័យខុស ជម្ងឺគ្រុនចាញ់ថា ជម្ងឺរលាកថ្លើម ហើយបើតាម អាណាព្យាលបាលជនរងគ្រោះ ជាគ្រូពេទ្យដូចគ្នា កាលពីព្រឹកថ្ងៃទី២៩ ខែមេសា ឆ្នាំ២០១៤ បានឲ្យដឹងថា វេជ្ជបណ្ឌិតនេះទិញឈ្មោះគេ បើកគ្លីនីករកស៊ី ។
លោក ជា គង់ ជាអាណាព្យាលបាលជនរងគ្រោះ និងជាគ្រូពេទ្យ មណ្ឌលសុខភាព ឃុំព្រៃចាស់ ស្រុកឯកភ្នំ បានប្រាប់តាមទូរស័ព្ទថា ជនរងគ្រោះដែលស្លាប់ មានឈ្មោះ ជា ចំណាន ភេទប្រុស អាយុ ២៦ឆ្នាំ ជាកូនប្រុសរបស់គាត់ មានប្រពន្ធនិងកូនតូច ២នាក់ មានទីលំនៅ ក្នុងភូមិស្តី ឃុំព្រែកនរិន្ទ ស្រុកឯកភ្នំ ខេត្តបាត់ដំបង។ កាលពីម៉ោង ១យប់ថ្ងៃទី០១ ខែមេសា ឆ្នាំ២០១៤ ជនរងគ្រោះមានជម្ងឺគ្រុនក្តៅ ត្រូវបានម្តាយនិងអ្នកជិតខាង ជួយជូនទៅគ្លីនីក រឿមស៊ីផុន មានទីតាំងនៅភូមិឃុំខ្ពប ស្រុកឯកភ្នំ ដោយសារខ្លួនជាប់ប្រចាំ នៅមណ្ឌលសុខភាព ឃុំព្រៃចាស់ ។
ពេលទៅដល់លោកវេជ្ជបណ្ឌិត បានពិនិត្យឈាម រួចប្រាប់ថា ជនរងគ្រោះមានជម្ងឺ រលាកថ្លើមប្រភេទA ហើយក៏ឲ្យដេកសម្រាក ព្យាបាលនៅទីនោះ។ លុះដល់ថ្ងៃទី៣ ខែឆ្នាំដដែល ខ្លួនបានមកដល់គ្លីនីក សួរនាំគ្រូពេទ្យថា តើកូនប្រុសខ្ញុំកើតជម្ងឺអ្វី ? លោក រឿម ស៊ីផុន បានប្រាប់ថា កូនឯងកើតជំងឺ រលាកថ្លើមប្រភេទA ហើយធានាអាចព្យាបាល ជាសះស្បើយបាន ១០០ភាគរយ ព្រោះជម្ងឺប្រភេទនេះ ធ្លាប់ព្យាបាល។ លោក ជា គង់ បានបន្តថា ដោយខ្លួនមានជំនាញពេទ្យខ្លះដែរ បានពិនិត្យកំដៅកូនប្រុស ឃើញឡើងពី ៣៩អង្សារទៅ៤០ អង្សារ បានសុំលោកវេជ្ជបណ្ឌិត ឲ្យផ្តល់ថ្នាំបញ្ចុះកំដៅ ប៉ារ៉ាជាដើម តែលោកគ្រូពេទ្យ មិនអោយបែរជា ចាក់ថ្នាំសឺតទ្រី សំរាប់ការពារគ្រុនពោះវៀន ចំនួន ២អំពូល និងឲ្យថ្នាំ សុបពីតុល (ថ្នាំថ្លើម) ចំនួន ២កញ្ចប់។
លុះវេលាម៉ោង ៣រសៀលថ្ងៃទី៤ ខែមេសា ឆ្នាំ២០១៤ ជនរងគ្រោះបានដួលប្រកាច់ នៅក្នុងបន្ទប់ទឹកគ្លីនីក ទើបលោកវេជ្ជបណ្ឌិត រឿម ស៊ីផុន ប្រាប់ខ្លួនថា ជនរងគ្រោះ រលាកស្រោមខួរ ? ភ្លាមៗនោះ ខ្លួនមានកំហឹងខ្លាំងណាស់ ស្ទើរតែទ្រាំពុំបាន។ ក្រោយមកបានដឹកកូន មកកាន់មន្ទីរពេទ្យបង្អែកខេត្តបាត់ដំបង ក្រុមគ្រូពេទ្យប្រាប់ថា ជនរងគ្រោះមានជម្ងឺគ្រុនចាញ់ មិនមែនជម្ងឺរលាកថ្លើមទេ តែហួសពេលព្យាបាលទៅហើយ រហូតដល់ម៉ោង ៦យប់ថ្ងៃទី០៩ ខែមេសា ឆ្នាំ២០១៤ ជនរងគ្រោះបានស្លាប់ នៅមន្ទីរពេទ្យបង្អែកបាត់ដំបង។
លោក ជា គង់ បានបញ្ជាក់ថា លោកវេជ្ជបណ្ឌិត រឿម ស៊ី ផុន ជាគ្រូពេទ្យ នៅស្រុកជាមួយខ្លួនហើយការបើកគ្លីនីកនេះ គឺទិញឈ្មោះគេទេ មិនមែនដោយការរៀនសូត្រ តាមវិជ្ជាជីវៈនោះទេ។ ពាក់ព័ន្ធករណីនេះ អ្នកយកព័ត៌មាន បានទៅធ្វើការទំនាក់ទំនង សុំការបំភ្លឺដល់គ្លីនីក រឿម ស៊ីផុន តែមិនជួបហើយទូរស័ព្ទចូល ក៏មិនលើក។ លោក សឿន ធិ ប្រធានសុខាភិបាលស្រុក បានឲ្យដឹងថា គ្លីនីកនេះ បានសុំច្បាប់បើកបន្ទប់ពិគ្រោះជម្ងឺ ហើយចំពោះសម្ភារៈពិនិត្យព្យាបាល ប្រហែលថ្នាក់ខេត្ត មិនទាន់មានអ្នកចុះពិនិត្យថា គ្រប់គ្រាន់តាមស្តង់ដារ ឬនៅ។
ពាក់ព័ន្ធករណីនេះលោក វឿន ប៊ុនរ៉េត ប្រធានសុខាភិបាល បានឆ្លើយតបថា គាត់កំពុងជាប់រវល់ប្រជុំ។ យ៉ាងណាក៏ដោយ ប្រជាពលរដ្ឋនិងមន្ត្រីរាជការ គាត់ស្រលាញ់គ្រូពេទ្យ ដូចសុខភាពរបស់ខ្លួន ហើយស្នើឲ្យក្រុមគ្រូពេទ្យ រដ្ឋនិងឯកជន យកចិត្តទុកដាក់ មើលអ្នកជម្ងឺផង កុំប្រើសំដីគំរោះគំរើយ ហើយមន្ទីរសុខាភិបាល មេត្តាជួយពិនិត្យតាមគ្លីនីកផង តើគ្លីនីកមានសម្ភារៈគ្រប់គ្រាន់ឬអត់ ហើយវេជ្ជបណ្ឌិត មានចំណេះដឹង ពិតប្រាកដឬទេ សំរាប់ផ្តល់សេវា ព្យាបាល ជូនប្រជាពលរដ្ឋទូទៅ៕ ដោយ សុខជា
Source from: watphnom-news.com
No comments:
Post a Comment