អតីតនាយករដ្ឋមន្ត្រីថៃ យីងឡាក់ ស៊ីណាវ៉ាត្រា ត្រូវបានអាជ្ញាធរយោធាដោះលែងវិញហើយ
ប្រភពព័ត៌មាន CNN បានរាយការណ៍ឲ្យដឹងថា លោកស្រី យីងឡាក់ ស៊ីណាវ៉ាត្រា អតីតនាយករដ្ឋមន្ត្រីថៃ និងត្រូវជាប្អូនស្រីលោក ថាក់ស៊ីន ស៊ីណាវ៉ាត្រា អតីតនាយករដ្ឋមន្ត្រីថៃ មកពីគណបក្សភឿថៃ ដែលត្រូវអាជ្ញាធរយោធាដឹកនាំដោយលោកឧត្តមសេនីយ៍ ប្រាយុទ្ធ ចាន់អូចា (Prayuth Chan-Ocha) ឃុំខ្លួននៅទីកន្លែងសម្ងាត់មួយកាលពីថ្ងៃសុក្រ ទី២៣ ខែឧសភា ឆ្នាំ២០១៤ ក្រោមអំណាចនៃនៃច្បាប់អាជ្ញាសឹកនោះ ត្រូវបានដោះលែងឲ្យមានសេរីភាពវិញហើយ នាថ្ងៃអាទិត្យ ទី២៥ ខែឧសភា ឆ្នាំ២០១៤ម្សិលមិញ ។
ព័ត៌មានបានឲ្យដឹងទៀតថា លោកឧត្តមសេនីយ៍ Prayuth Chan-Ocha បានប្រាប់អតីតមន្ត្រីសំខាន់ៗ និងក្រុមមន្ត្រីកំពុងកាន់អំណាចក្នុងតំណែងថា កំណែទម្រង់ត្រូវតែកើតមានមុនការបោះឆ្នោតមួយ ។
មុននេះ កាលពីថ្ងៃទី២៤ ខែឧសភា ឆ្នាំ២០១៤ អ្នកនាំពាក្យយោធាលោកវរសេនីយ៍ វីនថៃ ស៊ូរ៉ាវី បានប្រាប់បណ្តាញសារព័ត៌មានថា អតីតថ្នាក់ដឹកនាំរាជរដ្ឋាភិបាលសំខាន់ៗ រួមទាំងលោកស្រី យីងឡាក់ ស៊ីណាវ៉ាត្រា ដែលបានឃាត់ខ្លួនផងនោះ នឹងត្រូវបន្តឃុំខ្លួនរយៈពេលមួយសប្តាហ៍រង់ចាំត្រួតពិនិត្យមើលថា តើពួកគេពាក់ព័ន្ធដោយផ្ទាល់ក្នុងកម្រិតណាជាមួយនឹងព្រឹត្តិការណ៍ចលាចលនយោបាយថៃ ៕
Source from: www.dtn7.com
No comments:
Post a Comment