ឃាត់ខ្លួនមេឆ្នោត ៥នាក់នៅក្រុងបាត់ដំបង ដែលបើកអាជីវកម្ម ផ្គើនការណែនាំរបស់ប៉ូលីស
ខេត្តបាត់ដំបង៖ដោយសារតែមិនស្តាប់តាមការអប់រំទូន្មានរបស់សមត្ថកិច្ចនគរបាលទីតាំងលក់ឆ្នោតនៅក្រុងបាត់ដំបងមួយចំនួនត្រូវបានបង្ក្រាបកាលពីវេលាម៉ោងខេត្តបាត់ដំបង ៖ ដោយសារតែមិនស្តាប់ តាមការអប់រំទូន្មាន របស់សមត្ថកិច្ចនគរបាល ទីតាំងលក់ឆ្នោត នៅក្រុងបាត់ដំបង មួយចំនួនត្រូវបានបង្ក្រាប កាលពីវេលាម៉ោង ២និង៣០ នាទីរសៀលថ្ងៃទី១ ខែមិថុនា ឆ្នាំ២០១៤ ឃាត់ខ្លួនបានមេឆ្នោត ៥នាក់ និងវត្ថុតាងកន្ទុយលេខមួយចំនួន ដើម្បីកសាងសំណុំរឿង បញ្ជូនទៅតុលាការ ចាត់ការតាមនីតិវិធី។
លោក ឈឿង គឹមសុង ប្រធានក្រុមនគរបាល បង្ការបង្ក្រាបនៃការិយាល័យ ព្រហ្មទ័ណ្ឌកំរិតស្រាល បានឲ្យដឹងថា មុនចុះបង្ក្រាបទីតាំងលក់ឆ្នោត លោក ស ថេត ស្នងការនគរបាលខេត្តបានបញ្ជាឲ្យកម្លាំង ចុះដល់ទីតាំងទាំងនោះ ដើម្បីអប់រំនែណាំជាច្រើនលើក អោយឈប់លក់តែមានទីតាំងមួយចំនួន បានផ្គើនទៅនិងសមត្ថកិច្ច។ ទីតាំងល្បែងលក់ឆ្នោត៦ កន្លែង ត្រូវបានបង្ក្រាប ឃាត់មនុស្សបាន ៥នាក់ រួមមាន ៖
ទីតាំងទី១ ចំណុចក្បែរហាងពន្លឺត្បូង ក្នុងភូមិកម្មករ សង្កាត់ស្វាយប៉ោ អ្នកលក់ឆ្នោតមានឈ្មោះ សេង ផន ភេទប្រុស អាយុ ៦៣ឆ្នាំ មានទីលំនៅ ទីតាំងកើតហេតុ។ ទី២ ចំណុចទល់មុខភោជនីយដ្ឋានលីលី ក្នុងភូមិព្រែកមហាទេព សង្កាត់ស្វាយប៉ោ អ្នកលក់ឆ្នោតមានឈ្មោះ ទូច រី ភេទស្រី អាយុ ៤០ឆ្នាំ មានទីលំនៅភូមិអញ្ចាញ សង្កាត់អូរចារ។ ទី៣ ចំណុចភូមិវត្តលៀប ក្នុងសង្កាត់ចំការសំរោង អ្នកលក់ឈ្មោះ ម៉ក់ អ៊ិន ភេទប្រុស អាយុ ៧២ឆ្នាំ មានទីលំនៅភូមិវត្តតាមឹម ឃុំអូរដំបង១ ស្រុកសង្កែ។
ទី៤ ចំណុចសាលារៀនវត្តកំផែង ក្នុងភូមិកម្មករ សង្កាត់ស្វាយប៉ោ អ្នកលក់ឈ្មោះ ឡុង រតនា ភេទស្រី អាយុ ៣២ឆ្នាំ មានទីលំនៅ ភូមិចំការសំរោង សង្កាត់ចំការសំរោង។ ទី៥ ចំណុចសាលារៀនវត្តកំផែង ក្នុងភូមិកម្មករ សង្កាត់ស្វាយប៉ោ អ្នកលក់ឈ្មោះ កៅ គឹមស៊ា ភេទប្រុសអាយុ ៤១ឆ្នាំ ជាគ្រូបង្រៀន មានទីលំនៅភូមិព្រែកមហាទេព សង្កាត់ស្វាយប៉ោ និងទី៦-ទីតាំងចំណុចភូមិតាព្រូច សង្កាត់ក្តុលដូនទាវ អ្នកលក់ជាស្ត្រី ពេលសមត្ថកិច្ចចុះឃាត់ សុំទៅបត់ជើងហើយគេចខ្លួនបាត់ស្រមោល។
ពាក់ព័ន្ធករណីនេះលោក ម៉េង លាង នាយរងការិយាល័យព្រហ្មទ័ណ្ឌកំរិតស្រាល បានអោយដឹងថា ចំពោះចំណុចទីតាំង មុខសាលារៀនវត្តកំផែង ភូមិកម្មករសង្កាត់ស្វាយប៉ោ អ្នកលក់ឈ្មោះ កៅ គឹមស៊ា ភេទប្រុស អាយុ ៤១ឆ្នាំ ជាគ្រូបង្រៀន មានទីលំនៅ ក្នុងភូមិព្រែកមហាទេព សង្កាត់ស្វាយប៉ោ សមត្ថកិច្ចធ្លាប់អប់រំជាច្រើនលើក ហើយកាលពីថ្ងៃទី២៨ ខែឧសភា ឆ្នាំ២០១៤ បានឃាត់យកមកអប់រំ នៅការិយាល័យផាកពិន័យ មិនរាងចាលផ្គើន និងសមត្ថកិច្ចដោយបានបើកលក់ឆ្នោត បណ្តាលអោយអ្នកលេង ដាក់កង់ម៉ូតូរថយន្ត កកស្ទះពេញផ្លូវ មានភាពរញ៉េរញ៉ៃ គ្មានសណ្តាប់ធ្នាប់៕
Source from: watphnom-news.com
No comments:
Post a Comment