សិស្សក្រីក្រនៅខេត្តព្រៃវែងទទួលបានទោចក្រយានចំនួន៣៥០គ្រឿងពីឯកឧត្តមរដ្ឋមន្ត្រីក្រសួងព័ត៌មាននិងលោកជំទាវ
នៅវេលាព្រឹកនាថ្ងៃទី០២ ខែកក្កដា ឆ្នាំ២០១៤នេះ សិស្សានុសិស្សក្រីក្រនៃសាលាបឋមសិក្សាគោកសណ្តែក ឋិតក្នុងឃុំរក្សជ័យ ស្រុកបាភ្នំ ខេត្តព្រៃវែង មានភ័ព្វសំណាងទទួលបានាទោចក្រយាន(កង់)ចំនួន៣៥០គ្រឿងធ្វើជាយានជំនិះសម្រាប់ធ្វើដំណើរទៅសាលារៀនពីឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន និងលោកជំទាវដែលកៀរគរបានពីជំនួយរបស់មូលនិធិចំណតទោចក្រយានជប៉ុន អង្គការកុមារអាស៊ី អាស្ពេកា (ASPECA)អង្គការក្រៅរដ្ឋាភិបាលជប៉ុន កុគូសៃ(KOKUSAI) ព្រមទាំងសប្បុរសជននានាផ្សេងទៀត ។
សិស្សានុសិស្សនៃសាលាបឋមសិក្ខាគោកសណ្តែក ក៏ដូចជាឪពុកម្តាយ អាណាព្យាបាលសិស្សទាំងនោះ បានសម្តែងនូវការរីករាយ និងអំណរអរគុណជាអនេកចំពោះកាយវិការសប្បុរសធម៌របស់ឯកឧត្តម ខៀវ កាញារីទ្ធ និងលោកជំទាវ ក៏ដូចជាសប្បុរសជននានាទាំងជាតិ ទាំងអន្តជាតិ ដែលបានផ្តល់ទោចក្រយាន(កង់)ដល់ពួកគេបានប្រើប្រាស់ជាយានជំនិះ ដើម្បីសម្រួលដល់ធ្វើដំណើរទៅសិក្សាររៀនសូត្រដែលធ្លាប់តែធ្វើដំណើរដោយថ្មើរជើងក្នុងចម្ងាយជាច្រើនគីឡូម៉ែត្រនាពេលកន្លងមក ៕
Source from: www.dtn7.com
No comments:
Post a Comment