លោក នឹម សោម បើកដៃអោយទូករុញស៊ីប ធ្វើសកម្មភាពល្មើសនេសាទ ក្នុងតំបន់អភិរក្ស
ខេត្តបាត់ដំបង៖លោកនឹមសោមបានបើកដៃអោយទូករុញស៊ីបធ្វើសកម្មភាពល្មើសនេសាទក្នុងតំបន់អភិរក្សស្រេចតែអំពើចិត្តខេត្តបាត់ដំបង ៖ លោក នឹម សោម បានបើកដៃអោយទូករុញស៊ីប ធ្វើសកម្មភាពល្មើសនេសាទ ក្នុងតំបន់អភិរក្ស ស្រេចតែអំពើចិត្ត ដោយទូកល្មើស ១គ្រឿង ត្រូវបង់ប្រាក់ ៣០ម៉ឺនរៀល ហើយទូករុញស៊ីបចំនួន ១០ទៅ៣០ គ្រឿង បានធ្វើសកម្មភាពរៀងរាល់យប់ មិនតែប៉ុណ្ណោះមានការហ៊ុមកំប្លោក ដាក់សំរាស់ពាសពេញទឹក តាំងពីខែមីនា រហូតដល់ថ្ងៃទី២៣ ខែមេសា ឆ្នាំ២០១៤ នៅចំណុចឡូតិ៍លេខ៩ ក្នុងភូមិព្រៃចាស់ ឃុំបាក់ព្រា ស្រុកឯកភ្នំ ខេត្តបាត់ដំបង។
តាមប្រភពពីប្រជានេសាទ បានអោយដឹងថា បទល្មើសនេសាទរុញស៊ីប មានយ៉ាងគគ្រឹកគគ្រេង តាំងពីចុងខែមីនា មកម្ល៉េះ ក្នុងនោះមានទូករុញស៊ីប ប្រហែល ២៥គ្រឿង ហើយក្នុង ១ទូក ត្រូវបង់ប្រាក់ចំនួន ៣០ម៉ឺន រៀលក្នុង ១យប់ ជូនលោក នឹម សោម នាយសង្កាត់ជលផលបាក់ព្រា ទើបរកស៊ីប្រព្រឹត្តបទល្មើសបាន។ មិនតែប៉ុណ្ណោះ ក្នុងដែនអភិរក្ស ដែនឡូតិ៍លេខ៩ នេះ មានការហ៊ុមកំប្លោក ដាក់សំរាស់ជាហូរហែរ គ្មានការបង្ក្រាបទេ។ ដោយឡែកនៅចំណុច ឡូតិ៍លេខ១០ តាមស្ទឹង ក៏មានការហ៊ុមកំប្លោក យ៉ាងច្រើនបណ្តាលអោយ អ្នកធ្វើដំណើរតាមទូកកាណូត មានការរាំងស្ទះចរាចរណ៍យ៉ាងខ្លាំង ឯសមត្ថកិច្ចគិតតែយកប្រាក់ មិនរៀបចំសណ្តាប់ធ្នាប់ផ្លូវទឹក អោយបានល្អនោះទេ។
កាលពីថ្ងៃទី១២ ខែមេសា ឆ្នាំ២០១៤ ប្រជាពលរដ្ឋបានទទួលដំណឹងថា លោក នឹម សោម នាយសង្កាត់ជលផល ត្រូវបានសមត្ថកិច្ចថ្នាក់លើ ចុះទៅចាប់ពាក់ព័ន្ធ និងអំពើពុករលួយនេសាទ និងដកតំណែង ពួកខ្លួនត្រេកអរជាខ្លាំង តែចូលឆ្នាំខ្មែរហើយ ស្រាប់ឃើញលោកនាយសង្កាត់រូបនេះ មកកាន់ការងារវិញ ដើរប្រមូលប្រាក់ពីបទល្មើស គ្មានកោតក្រែងអ្វីសោះ។ លោក នឹម សោម នាយសង្កាត់ជលផលបាក់ព្រា កាលពីម៉ោង១០ ព្រឹកថ្ងៃទី២៣ ខែមេសា ឆ្នាំ២០១៤ អ្នកសារព័ត៌មាន ទូរស័ព្ទចូល ២ដង មិនលើកធ្វើការបំភ្លឺឡើយ។ ពាក់ព័ន្ធករណីនេះ លោក ជួង សុភា នាយខណ្ឌជលផលខេត្តបាត់ដំបង បានអោយដឹងថា បទល្មើសនេសាទរុញស៊ីបនេះ លោកមិនបានទទួលដំណឹងអ្វីសោះ ហើយក៏មិនទាន់ដឹងរឿង មន្ត្រីក្រោមឱវាទ ដើរប្រមូលពីប្រាក់ពីបទល្មើសនោះដែរ គឺលោកនឹងចុះបង្ក្រាបបទល្មើស ព្រមទាំងស្រាវជ្រាវមន្ត្រីពាក់ព័ន្ធ រឿងយកប្រាក់ពីបទល្មើស យកមកកែប្រែអប់រំ៕ ដោយ សុខជា
Source from: watphnom-news.com
Loading...
Loading...
